Ondersoek ná visserman sterf

NSRI-spirit-of-st-francis

Die Spirit of St Francis-reddingsboot van die NSRI Foto: NSRI

ʼn Visserman is Donderdag dood nadat hy ʼn toeval gekry en van ʼn boot naby St Francisbaai gered is, het die Nasionale Seereddingsinstituut (NSRI) gesê.

“Die span het omstreeks 06:30 op die noodoproep van die Vulgaris, ʼn tjokkaboot, reageer,” het Paul Hurley, stasiebevelvoerder, in ʼn verklaring gesê. “ʼn 42-jarige bemanningslid van Jeffreysbaai het glo onophoudelik toevalle gekry.”

Die bemanning het aan die NSRI gesê die man het ophou asemhaal en hulle het KPR op hom toegepas. “Die NSRI het die pasiënt na die kuslyn gebring en ʼn dokter en paramedici het steeds die man probeer bybring, maar hy is later dood verklaar,” het hy bygevoeg.

ʼn Geregtelike doodsondersoek sal gedoen word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Suné van Heerden ·

Dagsê SNEL

Die NSRI het nie duidelik gemaak of dit ‘n epileptiese toeval of stuipe of enige ander aanval was nie. Ons vermoed die inligting sal eers in die nadoodse ondersoek bekend gemaak word.

Groetnis
Suné
nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.