Ondersoek ná vrou baba verloor toe kar oor haar ry

Belinda Louw en haar kêrel, Corné Hitge. Foto: Facebook

Belinda Louw en haar kêrel, Corné Hitge. Foto: Facebook

ʼn Saak van roekelose en nalatige bestuur word ondersoek nadat ʼn swanger vrou van Pretoria Saterdag by ʼn motorwassery in Gezina raakgery is en haar ongebore baba verloor het.

Volgens berigte is Belinda Louw tans in ’n kritieke toestand in die waakeenheid van die Muelmed-hospitaal. Sy het glo by ʼn tafeltjie by ʼn vulstasie op die hoek van Johan Heyns- en Ben Swartstraat gesit toe ʼn motor bo-oor haar gery het.

Dit is nie duidelik wat veroorsaak het dat die motor oor haar gery het nie.

Kapt. Coba Britz, woordvoerder van die polisie, het aan Maroela Media bevestig dat die polisie die saak ondersoek.

“In die stadium kan ons bevestig dat die vrou kritieke beserings opgedoen het nadat ʼn motor oor haar gery het. Ons het reeds ʼn waarskuwingsverklaring van die bestuurder van die motor afgeneem, asook verklarings van ooggetuies op die toneel. Die saak sal later na die direkteur van openbare vervolging verwys word wat sal besluit of iemand vervolg sal word,” het Britz gesê.

Xander Louw, Belinda se broer, wou nie kommentaar lewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
m

Ai dit is so hartseer..

christine

Stomgeslaan party mense moet nooit ooit kar bestuur nie die totale onvermoe om te sien en te registreer wat jy sien sal die mense nooit he nie. Ek is jammer oor ou babatjie. Sterkte aan die dame en familie.

m

WTF. Dis so hartseer. Sterkte aan hierdie mense in hierdie moeilike tyd.

Willie

Ai man hoe tragies! Wat word van ons samelewing? Stekte aan die famielie en vriende in die moeilikke tyd…

Joann

My hel hoe verstaan mens nou dit? Daar moet nou eers besluit word of daar n saak gaan kom. Die dame is beseer en haar baba dood. Kom by mense.