Ondersoek oor ‘verkragting’-speletjie by laerskole

Argieffoto

Argieffoto

Die Wes-Kaapse departement van onderwys ondersoek bewerings dat laerskoolkinders ‘n nuwe speletjie speel waar hulle verkragting naboots.

“Indien kinders, insluitend laerskoolkinders, speletjies speel waar seuns agter meisies aanhardloop en voorgee om hulle te verkrag, soos wat beweer word, weerspieël dit ‘n ernstige probleem met ons samelewing,” het Debbie Schäfer, LUR vir onderwys in die Wes-Kaap, Maandag gesê.

“Die feit dat laerskoolkinders weet wat verkragting is en hoe om dit te doen, is tragies.”

Sy sê die departement het ‘n volledige ondersoek van stapel gestuur rakende bewerings oor die speletjie wat glo bekend staan as “rape, rape”. Sy sê onderwysbeamptes sal die week skole besoek en met die onderskeie hoofde gesels.

‘n Skoolhoof in Mitchells Plein het aan die Cape Times gesê dat meisies ‘n kans gegee word om te hardloop waarna die seuns agter hulle aanhardloop.

Hy sê wanneer ‘n meisie gevang word, sal die seun haar teen die grond vasdruk en vir sowat 20 sekondes maak of hy haar verkrag.

Wanneer die meisie eers “verkrag” is, mag sy nie verder deelneem nie. Die speletjie eindig wanneer al die meisies “verkrag” is.

Schäfer sê die departement het nog nie klagtes van die publiek of skole af ontvang oor die speletjie nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Lize

Laerskool kinders wat weet van verkragting……my liewe mens die kinders word elke liewe dag aan seks en wie weet wat nog blootgestel by die skool hoe sal hulle nie weet wat verkrag is nie…….raak wakker en kom uit jou grot

Elfie

SIEK! Waar is die toesig op die speelterreine of word dit net nie meer gedoen nie? Ouers moet met hul kinders praat en hul vertel hoe verskrkiklik verkragting is, hoe verkeerd dit is en dat seks en liefde saamgaan en nie geweld nie! Dogtertjies moet geleer word om geensins aan sulke speletjies deel te neem nie. Liewe hemel wat gaan aan in ons land?

Anton

Liewe aarde maar dis siek………………in my dae het die seuns en meisies aparte speelgronde gehad en het ons nie saam gespeel nie. Waar gaan ons land heen………………….

Babs

Jammer die foto wat geplaas laat verkeerde indrukke rakende die skole. Ek weet dit maak nie saak waar die skool gelee is maar moet dan nie fotos plaas nie. Dit is tragies dat kinders in sulke omstandighede groot word.

amelia

Babs stem saam ook agter gekom as dit moord verkragting ens is dit man is wit person se foto maar as dit is oor iets goed en ordentlik dan is dit swarte se foto maar gelukkig meeste van ons weet mos wie is die moordenaars verkragters ens veral plaasmoorde meeste van die tyd