Ondersoeke na weermag se peperduur Interferon-aankoop sleep voort

Thandi Modise, minister van verdediging. (Argieffoto: Phando Jikelo/ANA)

Daar is steeds geen aanduiding oor waarom die weermag sowat R260 miljoen opgedok het om die middel Heberon Alpha R 2B, beter bekend as Interferon, vanuit Kuba in te voer nie.

Byna een miljoen dosisse van dié sogenaamde wondermiddel teen Covid-19 is in April verlede jaar na Suid-Afrika gebring. Dit is egter nie by die Suid-Afrikaanse Reguleringsowerheid vir Gesondheidsprodukte (Sahpra) geregistreer nie.

Thandi Modise, minister van verdediging en militêre veterane, se versoek aan die portefeuljekomitee vir uitstel om die bevindings van ʼn ondersoek deur die ministeriële taakspan daaroor voor te lê, is toegestaan nadat Modise gesê het sy het pas by die departement aangesluit en het tyd nodig om te verseker die verkrygingsproses word deeglik ondersoek.

Modise, voormalige speaker, en haar voorganger by die departement, Nosiviwe Mapisa-Nqakula, het onlangs poste geruil. Die verkryging is tydens Mapisa-Nqakula se termyn gedoen.

Modise het die komitee die versekering gegee dat sy verbind is tot voldoening aan verkrygingsbeleid.

“Niemand word toegelaat om enigiets, ongeag hoe belangrik of dringend dit mag wees, buite die raamwerk van die verkrygingsbeleid aan te koop nie,” het Modise aan LP’s gesê.

Cyril Xaba, komiteevoorsitter, het tydens die vergadering gesê die kantoor van die ouditeur-generaal (OG) het LP’s in Februarie vanjaar op die hoogte gebring van die weermag se Covid-19-projekte. Die OG het die ongerymdhede wat aan die lig gekom het in sy ondersoek na die aankoop van Interferon destyds benadruk.

Xaba sê die komitee is spesifiek bekommerd oor waarom die invoer van die produk gedoen is sonder Sahpra se goedkeuring, waarom dit gedoen is onder ʼn oop kontrak, en waarom die kontrak eers onderteken is twee weke nadat die eerste aflewering reeds gedoen is.

Boonop het die OG bevind tot 40% van die middels is moontlik onbruikbaar weens probleme met die verkoeling daarvan. Die komitee het in Februarie ook met die weermag en met Sahpra oor die kwessie vergader.

“Kommer wat die komitee tydens dié vergaderings gelug het, sluit in die versuim om ʼn behoeftebepaling te doen, die hoeveelheid medisyne wat ingevoer is, die onbetrokkenheid van die hoof- finansiële beampte by die verkrygingsproses en die feit dat die weermag voortgegaan het met die verkryging, ten spyte daarvan dat Sahpra sy aansoek afgekeur het,” sê Xaba.

Die komitee het ook die weermag se aansoek by Sahpra, om verdere kliniese toetse op die middel te doen, bevraagteken omdat vorige toetse gewys het dit kan nie vir hospitaalgevalle van Covid-19 gebruik word nie.

“Gegrond op dié kommer het die komitee gesê dit is hoogs waarskynlik dat die verkryging van die medisyne tot onreëlmatige en verkwistende uitgawe verklaar sal word.”

Sahpra en die OG was ook veronderstel om terugvoer oor hul onderskeie ondersoeke na die aankoop van die medikasie te gee.

Die komitee het onderneem dat die ministeriële taakspan, die OG en die reguleringsowerheid nou saam in Oktober terugvoer sal gee.

Xaba sê die komitee se oorsigmandaat wentel om die afdwing van goeie bestuur in die weermag.

“Dit sluit in om te verseker dat die korrekte verkrygingsprosedures gevolg word, dat die departement se geld goed bestuur word en dat gevolgebestuur in werking gestel word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

24 Kommentare

Nie Verbaas ·

Ek het nooit gedink ek sal ooit so goed vir niks ANC ervaring in my leeftyd beleef nie.

SjN ·

Sy gee die komitee die versekering, maar kon nie eens verseker dat haar diere kos gekry het nie.

JJB ·

Wat ‘n geploeter… hoe moeilik kan dit nou wees om die skuldiges te identifiseer en te ONTSLAAN

Piet parys ·

Nie ontslaan nie . Alles wat hulle besit moet weg geneem word en so ook pesioen gelde . Dan gaan hulle tronk toe

Porseleintjie ·

Almal is mos ‘baas”. Kon die wondermiddel tog karakter en integriteit bevorder, het ek hande geklap.

Jackie ·

Dis net so goed jy sê vir jou grd1 kind: ‘Pappa en Mamma wil n kar hê. Hiers R200mil, gaan koop vir ons 1’. Dan koop hy die mooisre rooie sonder enjin en wiele met duiwe in die ‘boot’.

Nie Verbaas ·

Die mense se kapasiteit vir logiese denke verbaas my regtig.

Aai ·

Hulle gebruik Kuba om geld te verduister julle kan maar al die geld gaan soek wat hier verdwyn in Kuba.Was die inhoud ooit getoets dalk net kalk pille wat niks kos.Dit is hoekom daar nie moeite gedoen was met stoor.

Hennie ·

So ons betaal weer om ‘n ondersoek te doen na die ANC se verkwisting van belastingbetalers se geld! Daar is GEEN antwoorde nie, bloot net gatkruiper by ‘n regime wat eintlik van die aardbol gevee moes word in Fidel se tyd! Maar nou ja, as jy ‘n parasitiese h0lgewas is soos die ANC, dan is jy nou maar een!

Misky ·

Dis mos nou nie moeilik om terug te gaan en die spoor te volg nie. Ek wil al gal braak as ek die tipe goed lees en die miljoene en biljoene wat vermors word van ONS geld. Hulle noem vinnig nommers en syfers, maar nie een weet hoeveel dit werklik is nie.

Misky ·

Modise kon nie eens verseker dat haar diere kos en water kry nie, hoe gaan sy ‘n hele land se verdediging kan bestuur?

Dup ·

R260 miljoen……poef…netso weg….en niemand,maar niemand,gaan tot verantwoording geroep word nie.

gpsa ·

Wat nog ANC??? Waar gaan die goed stop, waar gaan die geld ooit terug gekry word en wie gaan verantwoording doen. Wat gaan die straf wees seker absoluut niks. Ons geld word vermors op persoonlike verryking en dan kan hulle nie eers hulle eie mense betaal nie. Die plundering in KZN en Gauteng in Julie is absoluut ‘n kleinigheid teenoor die plundering van politiekuste.

Johann ·

Ja shure. Iemand gaan verandwoordbaar gehou word vir busines with the comrades! Als deel van wat die ANC hulle terroris buddies oor die wereld heen skuld.

Grassie ·

Die ANC-kaders se korrupsie en dieftige opset het geen perke nie.

Jacobus ·

Ek hoop eendag sal ANC kan verduidelik waarom hy gedurende die pandemie die fiskus se tenk leeggetap het vir persoonlike verryking.

Sarel ·

Die Anti verantwoordelik is nou bevorder tot Speaker
Hoekom antwoord sy nie.. Dit kzn nue van Modise verwag word om die ander se gemors op te ruim nie. Maar nog deel van die Kubaanse sage.

skurweberg ·

Ons sal almal wat daarop aandring om die “lang game” in besluitneming wil speel self moet begin ondersoek. “slange en adders is baie onsigbaar in lang gras en verdrwyn in ‘n oogwink”

Swerwer ·

Dit is mos maklik. Finansies is mos gelaai op die sisteem, en daar is goedkeurings prosedures wat gevolg moet word,want elkeen het sy eie kodes om op die spesifieke stelsel te kan werk. Dus, kan dit mos van die Goedkeurings offisier tot die een wat die transaksie op die rekenaar ingesleutel het gevolg word. Of……………………..bestaan daardie sisteem nie meer in die SANDF nie.

Kokkie ·

Mense, Mense ! Verstaan julle dan nie. Dis dan so eenvoudig. Die ANC verstaan glad nie die verskil tussen Een Rand, Een miljoen Rand of Een Biljoen Rand nie.

Andre ·

As ek reg onthou, het hulle aanvanklik dit gesien as biologiese oorlogvoering. Die rede was reg, net die uitvloeisel daarvan maar die gewone daad. Mis

Hennie ·

Praat, praat, ondersoeke, mors tyd, niks gebeur nie! Klink soos ‘n ANC oë verblinery..

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.