Onderwyser geskors ná beweerde k-woord-voorval

(Argieffoto/Unsplash)

ʼn Onderwyser aan die Northriding Secondary School is geskors ná ʼn voorval vroeër die week by die skool in Randburg, Gauteng.

Panyaza Lesufi, provinsiale LUR vir onderwys, het vandag die skool besoek. “Ons verwelkom die skoolbeheerliggaam se besluit om die onderwyser met onmiddellike inwerkingtreding te skors terwyl dissiplinêre prosesse gefinaliseer word,” het Lesufi gesê.

Daar word beweer dat die onderwyser ʼn gr. 8-leerder Donderdag oor ʼn geraasmakery betig het. Die onderwyser het die leerder toe glo met ʼn ontsmettingsmiddel gespuit waarna die leerder glo die klaskamer verlaat het en na ʼn ander klaskamer is om die voorval by ʼn ander onderwyser aan te meld.

Die onderwyser het die leerder glo gevolg en verder met ʼn ontsmettingsmiddel gespuit en hom glo die k-woord toegesnou. Volgens die departement van onderwys het die “gewelddadige voorval” eers tot ʼn einde gekom nadat ʼn ander onderwyser tussenbeide getree het.

“Volgens berigte het die onderwyser glo hierna ook in ʼn woordewisseling met ander leerders betrokke geraak en hulle glo gevloek en bobbejane, dwelmhandelaars en k*****s genoem.”

Ander onderwysers, lede van die leerderraad en die hoof het glo daarna tussenbeide getree.

Lesufi het gesê die departement is uiters teleurgesteld rakende die voorval. “Rassisme sal nooit in ons skole geduld word nie.”

Beraders is Vrydag na die skool gestuur om ondersteuning te bied aan almal wat deur die voorval geraak is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
lodewyk

Nee wat ek is bly ek is nie n onderwyser in die siek SA nie,sou al seker toegesluit gewees het,geen respek en disipline nie,wat gebeur as n onderwyser jou aanvat?-speel die ras kaart,sal die saak dophou!!

LANA is ELANè

En raai wie is eerste op die sg toneel, ene mnr Lesufi, hy wat moet sorg dat elke leerder ‘n plek op die skoolbanke het en dat skole gebou moet word vir massas kinders wat in oorvol skole deur hom forseer word.
Ek voel jammer vir die onderwysers hulle word daagliks deur leerders geboelie ens maar moet hande gevou staan en toekyk tot dat als om hulle ontplof en dan gebeur sulke goed soos in hierdie artikel.

Niklaas

Dalks is dit nie eers waar nie. In elk geval moet daai tipe woorde nie geuiter word teen die skoolkind nie. Stappe en optrede kan beslis dan mos verwag word. Tye het verander…

Jo-Anne

Dis verkeerd ja, maar in vandag se tyd sal ek dit ook verloor. Opvoeding vind plaas in jou huis. Vandag se kinders het te veel regte en te min respek.

Debbie

Ek weet dit was verkeerd van die onderwyser om so op te tree maar wragtig die kinders van vandag gaan uit hulle pad om onderwysers te druk tot hulle nie meer kan nie as om net kop te verloor en dan sulke goed kwyt te raak. Ek word liewer n prostituut voor ek n onderwyser word in die land