Argieffoto
Kwazi Mthethwa, woordvoerder van die KwaZulu-Natalse departement van onderwys, het gesê die onderwyser werk by ʼn plattelandse skool in Nqutu, naby Dundee.
Sedert die skokvideo aan die lig gekom het, het ses skoliere na vore gekom en beweer hulle het met die betrokke onderwyser geslaap, het Mthethwa gesê. “Al die skoliere is 14 of 15 jaar oud,” het hy gesê.
Volgens Mthethwa het Mthandeni Dlungwana, die LUR vir onderwys, die skool Donderdag besoek om ʼn saak van statutêre verkragting teen die onderwyser aanhangig te maak. Die wettige ouderdom vir instemming tot seks in Suid-Afrika is 16, maar die Skolewet verbied seksuele verhoudings tussen onderwysers en skoliere, ongeag hul ouderdom.
Die polisie kon nie onmiddellik vir kommentaar bereik word nie.
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
13 Kommentare
Op skole is kinders nie meer veilig nie, n onderwyser se taak is mos om die kinders te leer en n veilige leer omgewing te skep en orde te handhaaf in hulle klas.
Skors is nie genoeg nie gooi die onderwyser in die tronk waar hy hoort.
Liewe hemel, wanneer gaan al hierdie lelike dinge wat nou oral kop uitsteek eindig ? Ons moet nooit ophou bid vir ons kinders en kleinkinders se veiligheid nie !
Die mens in die wereld is siek.
Nog een vir Vroue Regter Mabel Jansen.
Wat gaan aan met die mensdom en dit in skool