Onderwyser hou wapen in hand toesig by eksamen

‘n Skermgreep van die video wat wys hoe ‘n onderwyser met ‘n wapen in die hand toesig tydens ‘n eksamen gehou het.

Streng toesig tydens die aflê van eksamens word as belangrik beskou, maar ʼn onderwyser by die Mabusabesala Secondary School in Weltevrede in Mpumalanga het dit na ʼn hele nuwe vlak geneem toe hy ʼn graad 11-eksamen met ʼn wapen in die hand dopgehou het.

Die voorval het vroeër die week plaasgevind en die departement van onderwys in Mpumalanga het gesê die onderwyser is sedertdien geskors.

“Die departement beskou die voorval in ʼn baie ernstige lig en het reeds met ʼn ondersoek begin om te probeer vasstel watter omstandighede tot dié optrede gelei het,” het die departement in ʼn verklaring gesê.

Hy sal ook beraders na die skool stuur vir leerlinge wat moontlik deur die voorval getraumatiseer is.

“Gegewe die aard van die voorval, is die skool aangesê om ʼn saak by die polisie aanhangig te maak.”

Die departement het gesê hy sal die skool voortaan ook fyn dophou.

“Hierdie is ʼn geïsoleerde voorval en kan nie geduld word nie, maak nie saak wat die omstandighede is nie. Diegene wat betrokke is by die onderrig en vorming van kinders, moet altyd verseker dat hulle hoë morele standaarde handhaaf.”

Die departement het ʼn beroep op onderwysers en ander betrokkenes gedoen om die waardigheid en goeie naam van die onderwysberoep te beskerm deur enige gedrag wat dit ondermyn, aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Wonder net

Wonder net hoe kry die leerder dit reg om selfoon byderhand te he gedurende eksamen…

remondo

ek wil graag weet hoekom het n leerder n selfoon in die eksamenlokaal??????

Jan

Dis so gevaarlik by skole dat ek niemand kwalik neem wat ‘n vuurwapen wil saamvat nie. Hy moet net by die wapenwet hou en die wapen nie opsigtelik en veral nie in die hand dra nie. Waar het hy sy lisensie gekry, en hoekom volg hy nie die wet nie?

Dries du Toit

President Donald Trump het gese: ” the only way to stop a bad man with a gun is a good man with a gun” Is hierdie onderwyser nou die bad man ????

Storm

Wonder of daai wapen wettig is.