Foto: Netcare 911
ʼn Onderwyser is Dinsdagoggend by ʼn skool in Folweni, Durban, in KwaZulu-Natal doodgeskiet.
“Die 48-jarige onderwyser is deur ʼn onbekende verdagte op die skoolperseel doodgeskiet,” het kol. Thembeka Mbele, woordvoerder van die polisie, gesê.
Die omstandighede rakende die voorval is nog nie duidelik nie en die polisie ondersoek ʼn saak van moord.
Shawn Herbst, woordvoerder van Netcare 911, het gesê volgens inligting op die toneel het die onbekende verdagte bloot die skoolperseel binnegeloop en verskeie skote afgevuur.
“Die onderwyser wat in dié stadium in ʼn gang afgeloop het, is in die kop en maag getref.” Volgens Herbst het paramedici die man op die toneel dood verklaar.
Dan word ‘n onderwyser wat rondloop met geweer tydens eksamen om sulke gebeure te verhoed, geskors…
Hoe hartseer is dit nie. En die regering sal weereens niks doen nie, want dit is mos hul manier om werk te skep. Sterkte aan die onderwyser se familie.
Wat op aarde is aan die gang in ons skole?
Liewe aarde wat gaan aan.. maar Levusi te besig met afrikaans…
Hoop julle verstaan nou hoekom ‘n onderwysers met sy wapen moet skool toe.
Vader behoede ons!
Ek hou ook skool by n minderbevoorregte skool en party dae gaan dit baie rof. Jou hare sal regop staan as ek sou vertel wat ek elke dag sien, hoor en beleef.
Aan die begin het ek my self siek gemaak deur oor elke ding te stres, maar nou aanvaar ek ook al in n mate dat dit maar is hoe dit gaan. Dis soos om n wind te los in n storm. Lol! 1200 Leerders is nie maklik om te beheer nie. Die gemeenskap is ook “rotten to the core” so jy kan nie veel verwag nie.
Ek is nou al so hard en afgestomp dat berigte soos DIE my eers net weer moet laat wakker skrik sodat ek op my knieë moet gaan ek dankie sê dat ek vandag veilig by die huis gekom het.
Ek stuur jou my adres Jan dan kom kuier jy so vir ‘n week. En ek is n 37jarige vrou, as dit jou dalk nog meer laat twyfel of ek die waarheid praat… kom kyk self, ek nooi jou as my persoonlike gas vir die week – bring net jou “bullet proof vest” saam!
ek haal my hoed af vir julle, want my geduld sou lankal op gewees het en ek sou ook afgedank gewees het! Kinders het nie maniere of respek nie, en dit begin by die huis!
In my tyd op skool, sou jy nie gewaag het op ‘n onderwyser nie te respekteer nie!