“One Settler, One Bullet” – AfriForum Jeug lê klag

‘n Student van die Universiteit van Pretoria met ‘n T-hemp, “1 Settler 1 Bullet” Foto: AfriForum

AfriForum Jeug het Dinsdag ’n klag by die Suid-Afrikaanse Menseregtekommissie ingedien teen studente van die Universiteit van Pretoria (UP) wat op kampus rondgeloop het met hemde waarop “One Settler, One Bullet” gedruk is.

“Dit is niks minder as haatspraak nie en is gevolglik aanhitsing tot geweld,” sê Julius Landman, AfriForum Jeug se Tuks-koördineerder. “Die erns van die saak het klaarblyklik geen gewig by die instansie gedra nie, aangesien geen aksie tot dusver geneem is nie.”

Renier Goosen, AfriForum Jeug se Tuks-voorsitter, het gesê talle UP-studente het nie meer ’n gevoel van veiligheid nie omdat hul basiese menseregte nie beskerm word nie. “Hoe kan daar van studente verwag word om op hulle studies te fokus as hulle openlik aan sulke dreigemente blootgestel word?”

Landman het bygevoeg ’n studenteleier het boonop tydens die konstitusiemassavergadering op 18 Mei 2017 “One Settler” tydens sy spreekbeurt uitgeroep, waarop sy ondersteuners “One Bullet” teruggeroep het. “Openlike haatspraak op kampus is tot dusver met geen nagevolge begroet nie en die gevolg hiervan is duidelik dat studente al hoe meer radikaal raak,” het hy gesê.

AfriForum Jeug eis dat ’n volledige ondersoek gedoen moet word en studente wat hulself aan haatspraak skuldig maak, aangespreek moet word om toekomstige skade te voorkom. Die organisasie is van mening dat ’n opvoedkundige ruimte veilig moet wees sodat alle studente die geleentheid gegun word om tot die beste van hul vermoë te kan presteer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
JJ

Nou, hoekom is die Unversiteit’s bestuur grafstil oor dit !! As daar seksistiese plakate getoon word is jy weg. Nou, nou wat nou

Chaparel

Hulle is nie n student se naam werd nie en moet by alle universiteite verban word.

Manie

Die Universiteit nie meer die naam gestand. Die bestuur sal nou doodstil bly want hulle is bang vir klippe

Ai

Iemand moet hulle net n kalender gee. Dis 2017 nie 1652 nie, daar is nie meer “settlers” nie. Gee hulle sommer n geskiedenis boek ook want hulle is dan ook “Settlers” want hul voorouers is van Noord en Noord-Oos Afrika afkomstig is.

al

One settler and one bullet – wie sê daar broei nie dieper boosheid aan hierdie propganda nie?