Ongeluk glo ná skietery

Foto: Craig Botha (verskaf via Netcare 911)

Foto: Craig Botha (verskaf via Netcare 911)

Paramedici is Dinsdagaand omstreeks 19:00 na ʼn toneel in Umtentweni, Port Shepstone in KwaZulu-Natal ontbied ná berigte oor ʼn ongeluk tussen twee motors en ʼn paar mense op die toneel wat geskiet is.

“Die oorsaak van die ongeluk en voorafgaande gebeure word deur die polisie ondersoek,” het Chris Botha, woordvoerder van Netcare 911, in ʼn verklaring gesê. “Volgens berigte op die toneel was daar ʼn skietery voordat die twee voertuie mekaar getref het.”

Volgens Botha het die persone beserings tydens die ongeluk opgedoen en hulle het verskeie skietwonde gehad.

“Twee persone was in ʼn kritieke toestand en drie persone was in ʼn ernstige toestand,” het Botha verduidelik. “Een van die persone wat kritieke beserings opgedoen het, is later op die toneel dood, ondanks pogings deur paramedici om sy lewe te red.”

Die res van die pasiënte is na verskeie hospitale in die gebied geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Rolene Oosthuizen ·

Baie jammer oor sulke ongelukke. Geen respek vir lewe nie. Dankie Maroela dat jul die nuusberigte plaas -goeie of slegte nuus.

BUSFARK VAN PLETSEN ·

The Wild West soos in die 18/00 eeu ons keer terug na die oudae cowboy en kroeks

adrian ·

Het insittendes van die 2 motors op mekaar geskiet maar berig na die ongeluk ??? Kriminele na die ongeluk op insittendes geskiet ???? Deurmekaar berig ????

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.