‘Onlus-aanhitser’ kry borgtog

Bonginkosi Khanyile (Foto: Bonginkosi Khanyile/Twitter)

Die veroordeelde #FeesMustFall-aktivis wat daarvan beskuldig word dat hy die sogenaamde Zuma-onluste op sosiale media aangehits het, is op borgtog vrygelaat.

Bonginkosi Khanyile is vanoggend (Dinsdag) borgtog van R5 000 in die Durbanse landdroshof toegestaan.

Khanyile staan tereg op aanklagte van aanhitsing tot openbare geweld en die oortreding van die Wet op Rampbestuur.

Natasha Kara, woordvoerder van die Nasionale Vervolgingsgesag (NVG), sê Khanyile se borgtogvoorwaardes sluit onder meer in dat hy sy Twitterrekening moet opskort en nie die sosialemediaplatform mag gebruik nie.

Dít nadat Khanyile tydens die onluste in Julie glo verskeie hutsmerke ter ondersteuning van oudpresident Jacob Zuma se vrylating op Twitter geplaas het.

Die onluste in KwaZulu-Natal en Gauteng het grootskaalse beskadiging van infrastruktuur en plundering van goedere tot gevolg gehad.

Khanyile is een van verskeie wat in hegtenis geneem is vir beweerde aanhitsing gedurende die plundertogte. Dit is ook nie die eerste keer dat Khanyile met die gereg bots nie.

Maroela Media het vroeër berig Khanyile is in 2019 tot huisarres gevonnis vir sy aandeel in die gewelddadige #FeesMustFall-betogings in KwaZulu-Natal in 2016.

Kara sê Khanyile sal na verwagting weer op 23 September in die hof verskyn sodat die saak na die streekhof oorgeplaas kan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Elinette

As hy ‘n opgeskorte vonnis (indien enige) ontvang het, moes hy nie nou onmiddellik tjoekie toe gegaan het nie? Hy het hom mos 2 x binne ‘n sekere tydperk skuldig gemaak aan gewelddadige optrede … Of …e… geld algemene wet en orde net vir sekere lede van die gemeenskap?

Robert

Opstoker sal hy bly, al sluit jy hom toe. Hy sal die misdadigers opstook om die tronk af te brand en eis dat alle gevangenis vry gelaat word!

Belinda

ja ag hoekom nie, is mos lekker in SA. Hier in SA kan kriminele lekker tussen ons lewe. lekker man, lekker….

Diline

Daai gesig spreek boekdele – Regering skerm maar lekker vir our brothers. Was die opstokers wit, was hulle al klaar skuldig bevind en gevonnis vir terrorisme.

Leonora

Hy dink seker hy sal die volgende Mandela word en almal se hero wees.