Onnie by spogskool lol glo met seuns

skool klaskamer skoolhoof

Argieffoto

Die departement van onderwys in Gauteng het bevestig dat ʼn voormalige werknemer van ʼn spogskool in Johannesburg ondersoek word rakende bewerings van seksuele aanranding van nege leerders.

Nanagolo Leopeng, woordvoerder van die departement, het gesê hulle is deur die skool ingelig dat ʼn saak van seksuele aanranding ondersoek word teen ʼn student-onderwyser wat deur die skool se beheerliggaam aangestel is. Leopeng het nie die naam van die skool verskaf nie.

Die student-onderwyser was by die koshuis en sportafrigting betrokke. “Kringtelevisiebeeldmateriaal wys glo hoe hy ʼn seun seksueel aanrand in die koshuis en later weer in die seun se kamer.” Die man het glo onmiddellik bedank nadat die bewerings aan die lig gekom het en geen dissiplinêre stappe is teen hom geneem nie. ʼn Strafregtelike saak is wel aanhangig gemaak.

“Die skoolhoof het ondersteuningsdienste aan die leerders wat glo geraak word beskikbaar gemaak en die skool doen ʼn ondersoek om te probeer vasstel wat presies gebeur het.” Volgens Leopeng het nog leerders intussen na vore gekom. “Die skoolhoof het met ouers gesels en versoek dat leerders wat geraak word na vore kom.”

Die voorvalle het glo reeds in Oktober 2016 plaasgevind. Die student-onderwyser het in November in die Johannesburg-landdroshof verskyn. Hy moet in Maart weer in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Tania

Aarde kry die onderwyser nie skaam. Dink hy nie aan die sielkundige skade wat hierdie jongmense nou het nie. Heel duidelik is sy behoeftes nommer een vir hom. Wat kommerwekkend is, is dat sy naam nêrens verskyn. Wat verhoed hom om nie weer vir onderwyspos aansoek te doen. Nog onskuldige kinders. Miskien kort hy n skaaprekkie waar dit pla

Yolande

“Student-onderwyser”?!?!?!?! Is dit hoe hy sy loopbaan begin? Elke keer wanneer hy uitgevang word, bedank hy net en beweeg aan. Hoeveel kinders gaan in die slag bly?

hester

Dit kom nou van allerhande seksuele oriëntasies wettig maak. Waar trek jy dan die streep met wat mag gedoen word en wat nie…

Boeremeisie

Dis kommerwekkend dat die gespuis se naam nie genoem word nie of dat die skool net ‘n spogskool.genoem word. Word die skool se naam weerhou om die spogskool status te beskerm?

snoefie

hy is aangekla. tog word sy naam verswyg.skool se naam en ligging word verswyg. ou lesufi skitter in sy afwesigheid. en die total van diesom is…..?