Onnie gepos oor ‘mutasie’-uitlating

Tlou Molele se verskoning soos in sy ooreenkoms met die MRK vervat.

Tlou Molele se verskoning soos in sy ooreenkoms met die MRK vervat.

Tlou Molele, die onderwyser wat op Facebook na wit mense as “ʼn genetiese fout genaamd mutasie” verwys het, is sy pos by die Curro-skool Northern Academy in Polokwane kwyt.

Mari Lategan, Curro se hoof van bemarking en kommunikasie, het aan Maroela Media bevestig dat Molele nie meer ʼn onderwyser by die skool is nie. “Curro sien die inhoud van die [Facebook-] inskrywing in ʼn baie ernstige lig aangesien alle sosialemedia-aktiwiteite binne Curro deur ʼn omvattende interne beleid beheer word,” het Lategan gesê.

“Alle persone wat sosialemedia-platforms gebruik wat deur Curro se inligtingstelsels beskikbaar gestel word, moet aan die riglyne van hierdie beleid voldoen.”

Die skrywe wat Tlou Molele op 3 Oktober 2016 op Facebook geplaas het.

Die skrywe wat Tlou Molele op 3 Oktober 2016 op Facebook geplaas het.

Maroela Media het vroeër berig Molele het op Facebook teen witmense uitgevaar deur te sê indien dit nie vir ʼn “genetiese fout genaamd mutasie was nie, sou die wit f*****s nooit bestaan het nie”. Hy het onder meer gesê witmense is minderwaardig en “geneties swak”. Hy het ook gesê hy is nie bang om plekke af te brand wat “wit heerskappy” ondersteun nie.

Die Menseregtekommissie (MRK) het intussen besluit om nié enige strafmaatreëls teen Molele in te stel nie. Die kommissie het in ʼn verklaring gesê weens die groot aantal sosialemedia-inskrywings van hierdie aard, meen die kommissie strafsanksies is nie “ʼn gepaste maatreël om respek vir die Grondwet te bevorder nie”.

Volgens ʼn ooreenkoms wat tussen die MRK en Molele aangegaan is, het Molele onvoorwaardelik om verskoning gevra, sal hy binne die volgende drie maande aan die MRK se teenrassisme-bewusmakingsaktiwiteite in Limpopo deelneem en sal hy ook tien ure van sy tyd opoffer om minderbevoorregte leerders met wiskundehersiening te help.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Jaco

‘Mari Lategan, Curry se hoof van bemarking en kommunikasie, het aan Maroela Media…’ – moet dit nie lees Curro.

Jaques

Met die regte vel kleur, kan basies enigiets se en doen, en met ligte nagevolge wegstap.
Penny Sparrow was nie so gelukkig nie, sy word basies in haar graf gedryf, en al wat sy gese het was dat die (daai) mense net soos ape alles net neergooi waar hulle klaar ge-eet het en gemors het.
Verduidelik daai regverdigheid, want ek sien dit nie, ek sien net swart = ligte tikkie op die hand, wit = all hell breaks loose.

Johan

Wel gedaan Curro…….!!

T-man

I, a members of the public, do not accept his apology – Wat nou…?

hoe nou

Hoekom word die mnr nie ook n boete opgele nie of is boetes net op wittes gerig. Ek hoop daar is iemamd wat die saak verder kan vat