Onnie geskors wat skolier glo met bottel water gooi

skool

Argieffoto

ʼn Onderwyser van Noordwes wat ʼn skolier tydens skoolure glo beseer het, is op spesiale verlof geplaas hangende ʼn ondersoek oor die voorval by Geelhout Park Secondary School.

Leerders was Donderdag ná pouse weer op pad terug na hul klasse, toe die onderwyser glo ʼn bottel water gegooi en ʼn skolier teen die kop getref het. Die skolier is na die skoolhoof se kantoor geneem en is daarna na ʼn kliniek geneem.

Elias Malindi, woordvoerder van die departement van onderwys, het gesê die departement is dadelik in kennis gestel van die voorval en ʼn span van die arbeidseenheid is na die skool ontplooi om die saak te ondersoek. “Die departement sal ook ʼn eenheid ontplooi om berading te verskaf aan die skoliere wat deur die voorval geraak is.”

Mmaphefo Matsemela, LUR vir onderwys in Noordwes, het dit benadruk dat lyfstraf deur die departement afgeskaf is. “Lyfstraf is al sedert 1997 afgeskaf binne die onderwysbedryf en die Skolewet. Geen onderwyser mag lyfstraf toepas nie. Daar is alternatiewe maniere om leerders te dissiplineer,’ het Matsemela gesê.

Malindi het gesê deur die onderwyser op spesiale verlof te plaas, bied die departement die geleentheid om doeltreffend die saak te ondersoek sonder enige inmenging.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
koos10

Geen onderwyser sal dit sommer net doen nie.
Die ou bloeitjie is seker nou heeltemal onskuldig? Niks gesê nie, niks gedoen nie?
Ondersoek die saak tot op die been asb.

Oujongvrou

Hoe kwaad moet mens nie wees nie!!!

Atta

BERADERS!!!??? Vir wat? Siestog, seker om te keer dat die arme sneeuvlokkies smelt…

Anel

Lyk my dit is nou die nuutste. Beraders vir alles. As daar meer disipline was sou sulke voorvalle nie gebeur nie. Kan mens die onderwyser kwalik neem? Kinders kom deesdae met moord weg, net omdat hulle “kinders”.

Strandloper

Mmmm laat ek raai…die onie is seeker gedreig met n mes….?