Onnie glo ontvoer, verkrag

polisie-huisroof-crime

Argieffoto: SAPD/Facebook

ʼn Onderwyseres van Limpopo is glo deur ʼn groep mans ontvoer en herhaaldelik verkrag voor hulle haar in ʼn veld gelos het.

Kol. Moatshe Ngoepe, woordvoerder van die polisie, het gesê die groep verdagtes het Vrydagaand by die onderwyseres van ʼn hoërskool naby Marken buite Lephalale (Ellisras) se huis ingebreek. Hulle het haar vasgebind en haar in haar motor se kattebak gelaai en weggery.

Die polisie is van die voorval in kennis gestel en het onmiddellik na die 28-jarige onderwyseres begin soek. Sy is later in ʼn veld langs die Bakenberg-pad buite Mokopane (Potgietersrus) gevind. Sy is onmiddellik vir behandeling na ʼn hospitaal geneem.

Volgens Ngoepe het ʼn voorlopige ondersoek aan die lig gebring dat twee van die verdagtes glo aan die onderwyseres bekend is aangesien sy glo vroeër vir hulle klas gegee het en hulle in dieselfde omgewing woon.

Ngoepe het gesê die verdagtes het die vrou om die beurt verkrag voor hulle haar steeds vasgemaak in die veld agtergelaat het en met haar blou Volkswagen Polo op die vlug geslaan het.

Die polisie ondersoek sake van huisbraak, ontvoering en verkragting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
+

Gelukkig lewe sy nog. Hoop hulle vang haar aanvallers. Sy moet ‘n siviele saak teen die regering maak vir die toestande waarin ons land verkeer.

LIDA

Niémand is ‘gelukkig’ om te leef nie…… dit moes nooit gebeur het nie. ‘Gelukkig’ is relatief om gelukkig te wees….nie gelukkig wees omdat jy verkrag is nie.

Oujongvrou

Die kriminele ellement is buite beheer!!!

IK

100%+ korrek LIDA. Dit moes doodeenvoudig NIE gebeur het!!! Die verwydering van dit wat pla en lewenslange tronkstraf is wat moet gebeur. Natuurlik eensame opsluiting met ‘n deur wat toegesweis is. Velkleur is baie sensitief by hierdie gebeure maar maak wel sin by SASOL en Discovery.

Robby

Gelukkig is ʼn vloekwoord. Ongelukkig is dye kriminele nie gekastreer nie. Hulle moes die wette toegepas het van Tsjeggoslavie in die 1900. As jy iemand verkrag of ontvoer en hulle vang jou dan raak jy gekastreer op dieselfde dag wat jy gevang word.