ʼn Hoërskoolonderwyser wat sy voormalige vriendin en haar negejarige seun vermoor het deur hulle aan die brand te steek, is Vrydag in die Pietermaritzburg-landdroshof gevonnis.
Regter Anton van Zyl het Ndumiso Khwela tot twee keer lewenslange tronkstraf gevonnis vir die moord op Bonkele Sibiya en haar seun Mfanafuthi.
Staatsaanklaer Frank van Heerden het gesê die bewyse toon dat albei slagoffers nog geleef het toe hulle aan die brand gesteek is.
Die moorde is oor Paasnaweek gepleeg toe die skole gesluit was. Sibiya, ook ʼn onderwyser, het by ʼn skool in Bergville naby Ladysmith gewerk. Khwela het haar en haar seun ʼn saamrygeleentheid aangebied na haar huis in Durban.
Khwela het Sibiya daarvan beskuldig dat sy hom met MIV besmet het. Khwela het glo op pad Durban toe van die pad af getrek en Sibiya en haar seun aangeval. Van Heerden het gesê dit is nie duidelik of Khwela hulle vasgemaak het en of hulle bewusteloos was nie.
Ishy Khan, Khwela se regsverteenwoordiger, het ʼn vonnis van 25 jaar tronkstraf voorgestel aangesien Khwela ʼn BSc-graad het en ʼn waardevolle rol in die samelewing kan speel.
Khwela het egter geen berou getoon nie. Hy het die aanklagte ontken en beweer dat hy Sibiya en haar seun in Nchanga afgelaai het.
Magtag man ‘n regter sit nie in die Landdroshof nie