Panyaza Lesufi, Gautengse LUR vir onderwys, sê daar is géén plek in die onderwysstelsel nie vir enige onderwyser of amptenaar wat leerders as maklike prooi sien.
Lesufi het Donderdag die eerste hofverskyning van die onderwyser bygewoon wat glo ’n 16-jarige skoolmeisie by ’n skool in Ivory Park aan die Oos-Rand verkrag het.
Die saak is vanmiddag in die Tembisa-landdroshof tot 27 Mei uitgestel. Die 38-jarige onderwyser sal na verwagting dan aansoek om borgtog doen.
Die Gautengse departement van onderwys het intussen bevestig dat die onderwyser sy bedankingsbrief ingedien het.
Maroela Media het vroeër berig die onderwyser het hom Woensdag aan die polisie oorgegee nadat hy glo ’n gr. 10-leerder Vrydag by die Umqhele Secondary School verkrag het.
“Ons sal voortgaan om die slagoffer te ondersteun en almal wat deur hierdie beweerde voorval geraak word. Ons kan ons net indink aan die woede en teleurstelling wat die leerder se gesin ervaar as gevolg van die verraad deur ’n persoon wat hulle vertrou het,” het Lesufi by die hof gesê.
Kan nie help om te wonder of die paadjie tot nou toe sonder dorings was nie….
Hoeveel kinders het reeds deurgeloop?
Sluit hom toe en gooi die sleutels weg! Skandalg van ‘n onderwyser om so iets te doen!
Ek is hartseer om te dink hoe dit deesdae in die skole gaan!!!! Daar is geen dissipline meer nie en jy mag ook nie meer ‘n kind tugtig nie. Ek praat nie eens van Onderwysers wat sulke dade doen nie!!!!!!