Onnie wat spoorloos verdwyn dood gevind

Jayde en haar man Christopher. Foto: Facebook

Jayde en haar man Christopher. Foto: Facebook

Jayde Panayiotou (28), die onderwyseres van Port Elizabeth wat Dinsdagoggend spoorloos verdwyn het, se liggaam is gevind.

Kapt. Sandra Janse van Rensburg, woordvoerder van die polisie, het aan Maroela Media bevestig Panayiotou se liggaam is omstreeks 10:00 Woensdagoggend in ‘n “afgeleë gebied” naby die Kwanobuhle-township buite Uitenhage gevind.

Volgens Janse van Rensburg is Panayiotou se liggaam gevind nadat polisiebeamptes in ʼn helikopter ʼn “voorwerp” vanuit die lug gesien het. “Die nadoodse ondersoek sal die oorsaak van haar dood bepaal en die polisie sal voortgaan met sy soektog na haar ontvoerders en moordenaars.”

Panayiotou het Dinsdagoggend omstreeks 06:30 buite die Stellen Glen-veiligheidskompleks in Kabega Park gestaan en wag vir haar vriendin om haar op te laai vir werk. Sy het egter verdwyn voordat haar vriendin opgedaag het.

Volgens Toni Inggs, Panayiotou se suster, het Jayde en die vriendin op WhatsApp gesels en die vriendin het laat weet sy is amper daar. Jayde het egter nooit die laaste boodskap gelees nie waarna die vriendin haar probeer bel het en agtergekom het haar foon was af. Daar is later geld uit Jayde se bankrekening onttrek in Kwanobuhle.

Panayiotou was ʼn onderwyseres by die Riebeek College Girls’ High School in Uitenhage.

“Al wat ek kan doen is om te hoop en te bid dat my suster vandag ongedeerd by die huis sal aankom. Daar is absoluut geen woorde om te beskryf hoe ons voel om elke oomblik, elke sekonde te wag vir nuus oor my pragtige suster nie. My suster is die laaste persoon in die wêreld wat verdien om deur so iets te gaan. Ons moet haar veilig huis toe bring,” het Inggs vroeër Woensdagoggend gesê.

Klik hier vir alle vorige berigte oor die saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
faith

Ai dit is baie slegte nuus. sterkte aan die familie veral die sussie wat so na haar gesoek het. hoop die skuldige word gou vasgetrek

Elize

Sterkte aan die familie! Al wat ek hoop is dat die moordenaar/s gou opgespoor sal word, en nie borgtog sal kry nie.

bekkie

Dit wys net hoe n mens dopgehou word. N Mens weet nooit wanneer dit jou beurt is om n slagoffer te wees nie of wanneer dit jou finale dag is nie. My gebede aan die geliefdes. So tragies.

Henriette

Oh NO!!!!!! wonder waar is haar man…niks van hom nie…die Sussie het saak aangemeld …

KAG

Siek, ontstellend en so onnodig….. En so word ons mense dag na dag aangeval, vermoor en verkrag… Wanneer sal dit ophou? En die res van die wereld is doodstil……