‘Ons het nie genoeg kapasiteit’ – Eskom

Die Medupi-kragsentrale. (Foto: Eskom)

Soos sake nou staan, sal beurtkrag nié vroeër as Maandag opgehef kan word nie.

André de Ruyter, uitvoerende hoof van Eskom, het Woensdag gesê die kapasiteit van die land se kragnetwerk is vandeesweek uiters beperk weens verskeie uitdagings wat Eskom nog te bowe moet kom.

Onbeplande onderbrekings staan tans op 1 4 758 MW. “Dit is gelykstaande aan drie Medupi-grootte kragstasies wat nie beskikbaar is nie,” het De Ruyter vanoggend tydens ’n mediakonferensie daarop gewys.

De Ruyter het wel sy versekering aan verslaggewers gegee dat die kragvoorsiener alles in sy vermoë sal doen om beurtkrag vroeër op te hef. Eskom kan dit egter nie in dié stadium waag om sy reserwes op te gebruik nie en daar is tans “geen alternatief” as die verwagte vlak 2-beurtkrag tot Maandag 05:00 nie.

Jan Oberholzer, Eskom se bedryfshoof, het op sy beurt gesê Eskom moet nie oorhaastig wees met ’n aankondiging van verkorte beurtkrag nie. Intussen bestaan die risiko vir beurtkrag die komende winter steeds.

“Ons het nie genoeg kapasiteit in die land nie. Ons moet dit verstaan. Ons kan niemand verwyt nie, maar ons het ’n ou stelsel wat nie goed onderhou is nie en die afgelope 15 jaar in die skuld is.”

Hy wys daarop dat Eskom nou soveel moontlik instandhoudingswerk moet doen terwyl hy steeds aan die land se vraag na elektrisiteit moet voldoen.

“Ons sal alles doen om nie beurtkrag in te stel nie. Ons verstaan ons mandaat en dít is om krag te voorsien aan die land. Maar ons bevind ons in ’n moeilike posisie.”

Eenhede skop die een ná die ander uit

(Argieffoto: ANA)

Maroela Media het vroeër berig beurtkrag is Dinsdag om 17:00 ingestel weens nege kragopwekkers wat die gees gegee het, asook vertragings in die terugkeer na diens van kragopwekkers.

Oberholzer het vanoggend gesê Saterdag was eintlik ’n redelike stil dag vir die kragnetwerk met slegs twee eenhede wat uitgeskop het. Die eenhede is kort daarna weer in diens gestel, maar toe skop nóg vier eenhede Sondag uit.

Die eenhede was teen Maandagmiddag weer in diens, maar nóg agt eenhede het daardie dag uitgeskop. Dié onderbrekings het 3 300 MW uit die kragnetwerk gehaal met slegs een van die eenhede wat weer in diens gestel kon word.

Nóg vier kragopwekkers het Dinsdagoggend uitgeskop of die gees gegee wat daartoe gelei het dat  nog 2 000 MW verlore gegaan het.

Drie eenhede sal na verwagting vandag weer in diens gestel word.

Rhulani Mathebula, algemene bestuurder by Eskom, het op sy beurt gesê 4 500 MW is in gevaar  weens eenhede wat dreig om die gees te gee.

“Ons grootste bekommernis is al die ineenstortings om verskeie redes. Baie van die eenhede is weer in diens gestel, maar weens ketelpyplekkasies is groot eenhede steeds buite werking en dit gaan tyd neem om te herstel.

“Elke uitdaging lei tot ernstige beperkings in kapasiteit.”

Minder beurtkrag as verlede jaar

Op ’n vraag van ’n verslaggewer oor hoe die toepassing van beurtkrag verlede jaar met die beurtkraglading vanjaar vergelyk, het Eskom se bestuur geantwoord dat beurtkrag vir 29 dae vanaf 1 Januarie 2021 tot einde April 2021 ingestel is.

Dit is vier dae minder as die 25 dae beurtkrag wat vanjaar in dieselfde tydperk ingestel is. Dit is wel kommerwekkend dat fase 4-beurtkrag vir vier van die 25 dae ingestel moes word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

34 Kommentare

Lourens CFG ·

Ek sal sê die werkers het die gees gegee, en nou moet húlle almal uitgeskop word.

krodedil ·

Ek neem aan dan sal jy vir Eskom kom wys hoe om dit te doen as daar geen werkers meer is nie. Krag is net soos enige ander produk. As dit klaar is is dit klaar.

JohanR ·

Gees gegee….hoop dit gebeur met die ANC in 2024. Kan nie dink aan nog 10 jaar saam met die klomp skelms nie! Ons sal miskien in 2024 met kerse saam moet stem!

Christine ·

Ek hoop ook 2024 stem ons die ANC uit, maar wees dan te wagte dat hulle met terrorisme op groot skaal gaan begin. Hulle was slegs ‘n terroristeorganisasie voor hulle hierdie land oorgeneem het en sonder hierdie land, keer hulle terug na dit wat hulle was.

Henry ·

Snaaks voor 1994 het ons nie krag probleme gehad nie. Elke dorp saam met eskom het ook sy eie kragstasie gehad en kon aanvul. Toe moes alle kragstasies gesluit word want volgens die unies sal escom nou alle krag voorsien. Hulle was gewaarsku dat daar meer kragstasies gebou moet word. Hulle die ANC het dit afgemaak dat hulle net geld wil mors.

domheks ·

Dan bly daar te min oor vir kaders se sakke as daar nog kragstasies gebou moet word!

Pietertjie ·

Met al die Rastellende Aksie, Staatskaping, bedrog, diefstal en korrupsie is dit geen wonder nie. En die betalende gebruikers is al leeg gemelk. Dis nou indien Eskom wel iets het om te verkoop.

Harley Davidson ·

Sal net beter word in die weskaap sou hulle afstig van die res van Suid-Afrika.

Kokerboom ·

ALLE blaam MOET voor deur van ANC regime gelê word!!!!

Snowball ·

“Ons kan niemand verwyt nie ” REGTIG?? Verwyt gerus BBEE, Staatskaping, kaderontplooïng, onbevoegde oorbetaalde werkers en tenderbedrog. Dis omdat ons nie verwyt nie, dat ons ook nie by VERVOLGING uitkom nie. Die skuldiges is nog steeds vetgevreet en skotvry terwyl SA krepeer.

Pieter ·

Enige, maar enige persoon wat vir Eskom werk moet as lui, skelm, korrup en onbevoeg gesien word, maak nie saak wie en wat jy is nie!!!!!!!

Andries ·

De Ruiter het erken dat dit feitlik onmoontlik is om ontslae te raak van die regstellende aksie kaders, al doen hul alles in hul vermoee om hom die skuldige te maak.

Christine ·

As dit nie vir De Ruiter en sy span was nie, was ons ekonomie ‘n jaar terug reeds in permanente duisternis.

Johan ·

Ons kan niemand verwyt nie, maar ons het ’n ou stelsel wat nie goed onderhou is nie en die afgelope 15 jaar in die skuld is.” Dus erken Eskom bestuur dat hulle nie hul werk reg gedoen het nie. Hulle is al 28 jaar aan die stuur van die sinkende skip maar blameer altyd die apartheid era

efjy ·

2 eenhede het Saterdag uitgeskop, maar is kort daarna weer in werking gestel. Toe skop 4 eenhede uit. Toe dit in werking gestel word skop 8 eenhede uit. Miskien moet hulle stop met die inwerking stel van die 8 eenhede, want dit kan veroorsaak dat 16 uitskop dan 32 dan 64 ens.

Madz ·

Hoe is dit moontlik dat 9 plus nog ‘n addisionele 4 kragopwekkers amper gelyktydig die “gees” gee….. ek kan verstaan dat items breek/oppak maar so gelyktydig…..??

Christine ·

Het jy al gehoor van sabotasie? Dan ook verouderde infrastruktuur wat tussein oppak.

marius ·

Julle het beperkte kapasiteit ….. aan grys stof tussen die ore .

Renier johannes ·

Bee en anc se skuld wil mos mense met kennis uit werk nou werk niks

Boksombende ·

Hou ons asb. permanent op vlak een, en standardiseer wanneer ons op ‘n daaglikse basis beurtkrag kan verwag. Dit sal die land se mense en besighede help om te beplan, en hopelik julle klomp by Eskom tyd gee om julle gemors uit te sorteer.

casper ·

Die Apartheid regering ko 1 Kragsentrale elke 2.5 jaar bou vir meer as 30 jaar en die magtige ANC sukkel nog om 2 te bou in die laaste 25 jaar !!
Viva ANC — Amandla !!!!!!!!!!!!!!!!!!!!!

Swerwer ·

Ons het nie genoeg kapasiteit in die land nie, maar ons voorsien krag aan die buurlande, te pragtig.
Wys maar net weereens dat daar ‘n groot probleem rondom die beplanning is. Wonder maar net wat word van die geld wat die Buurlande veronderstel is om te betaal vir die krag wat aan hul voorsien word, dit moet mos ‘n aardige bedrag wees.

Wielspore ·

My werkgewer is ‘n IPP en twee van ons eenhede het vanmiddag uitgeskop, moeilike tye.

VaalDonkie ·

Ek sit hier met ‘n klient wat druk op my plaas om werk klaar te maak, maar Woensdag, Donderdag, Vrydag, en Saterdag is daar elk twee ure “loadshedding”. Gelukkig het ek voorsiening gemaak. Maar wat as ek nie kon nie? En ek is sekerlik nie die enigste een nie. Ek verloor basies ‘n hele dag sou ek nie ‘n (peperduur) Inverter en batterye gehad het nie.

agnes ·

OPLOSSING VIR ESKOM!!!!!!! Subsidieer sonkrag in toepaslike industriee waar diewe nie kan by kom nie.

Lillian ·

Dit maak nie sin nie, want die afgelope tyd het ons sonskyn weer en gebruik definitief nie meer elektrisiteit as gewoonlik nie. Maak daai plek maar toe, julle mors ons geld. Maar o ja, ekt vergeet, dis mos ‘n tweede bron van inkomste vir die skelm regering en hul kaders.

Wondermaarnet ·

Stel bevoegde mense aan om by Eskom te werk en die probleme sal vinnig opgelos word. Hoekom was daar voor 1994 nie nat steenkool nie? Hoekom het byna alles in die land vlot verloop totdat die ANC aan bewind gekom het?

Mieke ·

Persoonlik dink ek dat sabotasie en diefstal ook ‘n groot aandeel het mbt krag voorsiening.

christo ·

En as die ANC destyds na Eskom se energie kenners geluister sou SA nie in die gemors gewees het nie. Gratis toegang vir almal tot elektrisiteit en lopende water, en daar byt die pragmatiese ANC se foute ons almal in die… Maar húlle weet mos beter

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.