‘Ons is keelvol vir misdaad’, sê boere ná moord op medeboer

Die hof op Laingsburg sit vol boere wat die hofverskyning van die verdagtes in die moord op Danie van Wyk van die plaas Viskuil bygewoon het. Foto: Lukas Botes/Verskaf

Die hof op Laingsburg sit vol boere wat die hofverskyning van die verdagtes in die moord op Danie van Wyk van die plaas Viskuil bygewoon het. Foto: Lukas Botes/Verskaf

ʼn Klompie boere uit die Laingsburg-omgewing het Woensdagoggend by die landdroshof op die dorp byeengekom tydens die hofverskyning van twee mans wat aangekla word van die moord op ʼn medeboer.

Elroy Plaatjies (36) en Petrus Stuurman (26) staan tereg op die moord op Danie van Wyk (57) van die plaas Viskuil sowat 8 km buite die dorp. Hulle het vlugtig in die hof verskyn.

“Ons is hier om ons misnoeë te kenne te gee met die wetteloosheid in die land,” het Andries le Roux, voorsitter van die Laingsburg-landbouvereniging en een van sowat 15 boere wat in die hof was, ná die verrigtinge gesê.

“Die boere is bitter ontsteld want daar is geen respek vir menselewens of eiendom nie, en gewelddadige misdaad neem toe. Jy en jou goed is nêrens veilig nie.”

Hy skryf die geweld onder meer toe aan dwelmmisbruik. “Dwelms het waarskynlik ook in die sinlose aanranding en moord ʼn rol gespeel.”

Volgens Le Roux het die boere tydens ʼn kwartaallikse vergadering kort ná die moord besluit om die hofverrigtinge by te woon. “Ons het besluit om solidariteit te toon deur hier te wees. Dit is nie net die boere nie, maar ook die ganse gemeenskap in die dorp en Bergsig en die landelike gebied van Laingsburg, Matjiesfontein en die Roggeveld wat keelvol is vir misdaad.

Carl Opperman, uitvoerende hoof van Agri Wes-Kaap, he gesê “Danie van Dyk se moord is sinneloos en ’n bewys dat misdaad in die land totaal handuit geruk het en dat respek vir onskuldige mense nie in die land bestaan nie. Ons is dankbaar teenoor die polisie dat hulle die verdagtes vasgetrek het seker maak dat hulle hul dag in die hof kry.”

Attie Stadler, ʼn lewenslange vriend, het Sondag 5 Julie laatmiddag onraad gemerk toe Van Dyk nie sy telefoon antwoord nie. Hy en sy vrou het hulle na die plaashuis gehaas. “Toe ek roep en hy antwoord nie het ek geweet iets is fout,” het hy gister gesê. “Daar was bloed en stukke draad op die stoep. Die deure was van binne gesluit.”

Omdat daar nie selfoonontvangs op die plaas is nie, het die egpaar teruggejaag dorp toe om die polisie te ontbied. Stadler is saam met die polisie die huis in en het sy ontslape vriend in die kombuis aangetref waar hy op sy guntelingplek op ʼn oliekan met ʼn kussing op tussen die stoof en die wasbak gesit het.

Volgens Stadler was Van Dyk ʼn invalide wat ʼn kluisenaarsbestaan gevoer het. “Hy was weerloos. Hy sou nooit iemand skade aangedoen het nie.”
Stadler sê die huis was omgekeer, asof na die kluis se sleutel gesoek is. Die kluis is uit die muur gebreek en oopforseer. ʼn Ou .22-geweer en ʼn pistool is gebuit. Die verdagtes is die Maandag en Dinsdag ná die voorval aangekeer nadat hulle probeer het om die vuurwapens van die hand te sit. Die .22-geweer is teruggevind, maar die pistool is nog soek.

Die saak is tot 21 Oktober vir verdere ondersoek uitgestel en sodat die verdagtes aansoek kan doen vir regshulp. Hulle bly in aanhouding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Rynhardt

BOERE, ek ondersteun julle 100%! SA is die enigste land ter wereld waar boere afgemaai word! Genoeg is genoeg! Daar is geen respek vir mense-en dierelewens in n wettelose SA nie.Wees op en wakker en bewapen julle!

Hugo Diedericks

Vuilgoed! wanneer gaan Boere se lewens saak maak!?

humor

Hoop hiedie “keelvol” raak later gatvol en dit gee aanleiding tot die besef dat beveiliging n totale gemeenskapverantwoordelikheid is en dit gaan oor in organisaie en DAAD.

humor

Hoop hierdie keelvol bly nie net keelvol nie en dit gaan oor tot die besef dat beveiliging n totale gemeenskapverantwoordelikheid is, en dit gaan oor in n doeltreffende organisasie en DAAD. Ons kan nie maar net sit en wag vir Afri forum en die regering nie.

DAAN LIKEWAAN

HOOP NIE DIT KLIN K BELAGLIK NIE , MAAR TOE EK IN DIE POLISIE WAS HET EK AGTER GEKOM DAT MISDADIGERS NOOIT DIE STOOF OF WASMASJIEN STEEL NIE WANT DIS TE SWAAR. HULLE STEEL LIGTE ITEMS WAT MAKLIK IN KONTANT OM GESIT KAN WORD. EEN VAN MY KOLEGAS EN EK HET WANNEER ONS UITGAAN ONS WAPENS IN DIE WASMASJIEN OF STOOF GESIT, WANT ONS WEET AS IEMAND INBREEK SAL HULLE VIR DIE KLUIS GAAN. MAAK DIT SIN ?