‘Ons is nie anti-wit,’ sê Malema oor wit regspan

Julius Malema. Foto: EFF/Twitter

Julius Malema, EFF-leier, sê sy party is nie ʼn anti-wit organisasie nie, maar ʼn nierassige organisasie.

Malema het Donderdag buite die Randburg-landdroshof EFF-ondersteuners toegespreek nadat die verhoor teen hom en Mbuyiseni Ndlozi, EFF-LP, tot Maart uitgestel is. Hulle word van die aanranding van ʼn polisiebeampte aangekla.

Daar was die afgelope week baie kommentaar oor Malema se regspan wat net uit wit mense bestaan.

“Hulle sal ons enige tyd wanneer ons wil hê, verteenwoordig. Niemand kies regsverteenwoordigers vir ons nie, ons kies self. Ons weet wie is die beste waar,” het die EFF-leier gesê.

Volgens hom is sy party gekant teen “wit rassiste” en nie teen wit mense nie. “Ons soek nie rassiste nie. Ons hanteer rassiste beslissend. Wanneer ons patriotiese wit Suid-Afrikaners teëkom wat lief is vir hulle land, wat lief is vir hulle Grondwet, wat die rykdom en grond wil deel met hulle eie mense, is hulle meer as welkom.”

Julius Malema spreek EFF-ondersteuners buite die hof toe. Foto: EFF/Twitter

Malema se uitlatings het gevolg kort nadat hy en Ndlozi in die hof in ʼn onderonsie betrokke was met een van AfriForum se regsverteenwoordigers. Hulle het hom geskel oor waar hy in die hof gesit het en voortgegaan om beskuldigings na hom te slinger.

Malema en Ndlozi se verhoor is tot 9, 10 en 11 Maart 2021 uitgestel. Lt.kol. Johan Venter, die SAPD-kolonel wat na bewering aangerand is, het tydens die hofverrigtinge vroeër die week getuig.

Die verhoor spruit uit ʼn voorval in April 2018 toe die twee Venter by die begrafnis van die ANC-aktivis Winnie Madikizela Mandela na bewering aangerand het. Die voorval is op kringtelevisie opgeneem en Venter het ʼn klag by die polisie teen die twee aanhangig gemaak.

Die saak het oënskynlik geen aandag geniet nie tot die burgerregtegroep AfriForum se private vervolgingseenheid in Januarie verlede jaar oor die ondersoek navraag gedoen het. In Julie verlede jaar het AfriForum aangekondig dat hy die hof met ʼn mandamus-aansoek nader om die NVG te dwing om ʼn besluit oor die vervolging van die twee te neem.

Die NVG het ná volgehoue druk herbesin oor sy aanvanklike weiering om te vervolg en wel vervolging ingestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

68 Kommentare

jongste oudste gewildste
Persheks Adri

Jy en jou maters is die grootste rassiste Mal-emma so moet nie strooi praat nie! Julle brand en breek soos julle lus is en hits mos haatspraak aan. KILL THE BOER is mos jou gunsteling lied en boonop is julle hande los teenoor blankes. Lieg deur jou tande tsssssk man jy maak naar

Aha

Malema het ‘n wit regspan om nog meer konflik te veroorsaak. Hy sit nou wit teen wit. Kan nie glo dat wit mense hom verdedig nie

Phillip

Maar sy haat praak liekie wat is dit nou maar gebriuk die wit mense soos n skaakelaar sit net aan as die koole brand

Hannes

Maar die WIT regsspan help darem. Hoekom nie vertroue in jou eie mense nie. Dan ook nog die WIT lyfwagte AI AI Julius jy bly maar verlee oor die WITTES!!

Harry

Dis ongeloofwaardig. EFF se hele aanslag en uitsprake wys wie hulle is en waarvoor hulle staan. As daar ‘n paar wit regsmanne gebruik word omdat hulle kaders onbevoeg is dan is dit die regsmanne se gewetes. Ek is oortuig die EFF het nie my belang op die hart nie.