Ons kort net ʼn regeringswaarborg, sê SAUK-raad

SAUK-raadsvoorsitter Bungumusa Makhatini, uitvoerende hoof Madoda Mxakwe, adjunkvoorsitter Mathatha Tsedu en hoof finansiële beampte Yolande van Biljon (Foto: Chantall Presence/ANA)

Banke is huiwerig om die SAUK met ʼn lening by te staan sonder ʼn regeringswaarborg, het Bongumusa Makhatini, voorsitter van die raad, Woensdag aan LP’s gesê.

Makhatini het aan die staande komitee oor openbare rekeninge (Scopa) terugvoer gegee oor onreëlmatige uitgawes van R4,8 miljard oor ʼn paar jaar. Hy het gesê die raad stel maatreëls in plek om dit te voorkom, van die geld terug te kry en seker te maak dat persone aanspreeklik gehou word.

Die uitsaaier het reeds met ʼn proses begin om 981 werknemers af te dank en dié proses vind tans voor die Kommissie van Versoening, Bemiddeling en Arbitrasie (KVBA) plaas.

Makhatini het gesê sonder ʼn inspuiting van R3 miljard sal hulle “dag zero”, waar die uitsaaier bankrot sal wees, teen Maart bereik. “Ons kort net ʼn regeringswaarborg,” het hy bygevoeg. “Teen Maart sal ons ongeveer R300 miljoen ontvang. Ons kort R600 miljoen per maand.”

Yolande van Biljon, hoof finansiële beampte van die SAUK, het gesê die uitsaaier sukkel om aan sy finansiële verpligtinge te voldoen en moet kostes sny in kernbesigheid soos om inhoud aan te skaf, wat nodig is om kykergetalle te verbeter. “Ons begin deur salarisse te betaal, dan huur, water en elektrisiteit, dan het ons betalingsooreenkomste met groter diensverskaffers, en dan begin ons inhoud beperk,” het sy gesê. Waar die uitsaaier gewoonlik R140 miljoen per maand vir inhoud betaal, het dit minder as die helfte van dié bedrag in November spandeer.

Madoda Mxakwe, uitvoerende hoof, het die maatskappy se planne om werknemers af te lê, verdedig en gesê die uitsaaier het geen ander keuse nie. “Ons het tans ʼn opgeblase struktuur, veral wat middel- en seniorbestuur betref.” Hy het gesê die SAUK het 479 bestuurders wat die uitsaaier jaarliks R630 miljoen kos. Vryskutwerkers jaag die uitsaaier R510 miljoen per jaar uit die sak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
piper

m et al die bedrogen diefstal is daar net lippetaal en nog niemand word vervolg nie en n klomp met volle betaling sit by die huis op afwagting van n ondersoek. daar is geen hoop nie.

Gert

Hulle kan maar toemaak. Geld gaan hulle net help met groter oorspandering

Hasie

Die vorige hoof van die “SABC” het al die finansieële gemors veroorsaak, die salarisse wat die top amptenare betaal word is belaglik.
Me. van Biljon, finanshoof R3 000 000 pj. skaam jou.
Mr. Mxakwe, R5 100 000 pj. Skandelik.
Mr. Maroleng, R4 100 000 pj. ??????
3 X uitvoerende bestuurders kry saam R12 200 000 pj (R4 000 000 elk) skreiend.
Bonus aan Mr. Mulaudzi van R413 000.
Geen wonder die “SABC” kan volgende jaar nie salarisse betaal nie. Wat maak ‘n mens met sulke belaglike salarisse?

John

So eintlik was dit net nog ‘n show om a la Eskom ‘n regeringswaarborg te kry vir nog ‘n jaar se bigtime en sterstatus en bla bla bla. En al die partye probeer ‘n paar stemme werf en spring op die wa om tog so besorg te wees oor al die sterretjies aan die SABC se hemeltrans… moet net nie iemand afdank nie ok nie al die vryskutwerkers se harte breek nie (vir wat nogal met ‘n korps groter as die Weermag).

Gemaskerde Sopbeen

Die Kommissie van Ondersoek na die SABC se doen en late, het met die verkeerde mense gepraat. Hulle moes begin het by sekuriteit…..Toe Hlaudi “aan bewind” was was daar nie ‘n tekort aan geld nie…..daar is sakke vol daarvan in sy kar se kattebak gepak….vra maar sekuriteit…