‘Ons sal ons grond vat soos Mugabe’

Andile Mngxitama jonisayi maromo ana

Andile Mngxitama, leier van Black First Land First (BLF). Foto: Jonisayi Maromo / ANA

Andile Mngxitama, leier van Black First Land First (BLF), het Donderdag gesê dié beweging sal grond in Suid-Afrika met geweld afvat, net soos pres. Robert Mugabe in Zimbabwe gedoen het.

“Grond kom nie deur te stem nie. Die partye wat sê, stem vir ons en ons sal vir jou grond gee, lieg vir jou. As jy grond wil hê, vat jy dit. Vorentoe met president Robert Mugabe,” het Mngxitama aan ondersteuners gesê voor ʼn optog na die kantoor van die openbare beskermer in Pretoria.

“Ons gaan die president van Zimbabwe volg. Ons vat grond met geweld. Ons gaan nie die grond koop nie, want dit is van ons gesteel. Die ANC is bang vir wit mense.”

Mngxitama het gesê sy beweging het Donderdag se optog gereël omdat die uittredende openbare beskermer, adv. Thuli Madonsela, geweier het om ʼn verslag te ondersoek wat beweer R26 miljard is tydens die apartheidsjare uit die Reserwebank getap.

“Voordat ons die grond vat, het ons daardie geld nodig. Thuli Madonsela wil nie vir ons ons geld teruggee nie. Dit is ons geld, wat deur wit mense in die Reserwebank gesteel is. Daardie R26 miljard behoort aan ons almal,” het hy bygevoeg.

“Dit is die geld vir gratis onderwys. Thuli Madonsela kan die regering of die Guptas ondersoek, maar wit mense in die land moet ook ondersoek word.”

Zandile Lwana, adjunk nasionale sameroeper van die BLF, het gesê Madonsela het droewig presteer in haar sewejaartermyn as openbare beskermer. Die termyn verstryk in die middel van Oktober.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

78 Kommentare

jongste oudste gewildste
PJ

Glo nie dit gaan net vir vat wees nie maat

Eugene

Met hierdie mentaliteit sal ons NOOIT vorentoe, en vir die beter, beweeg nie

R V

En as hulle nou eers die grond het, wat gaan hulle daarmee maak. Seker dieselfde as Zimbabwe, geen kos

Anton

As daai geld regtig gesteel was, was dit gesteel van die wit belastingbetaler. Nie van hom of enige van sy comrades nie.

dirk

Kan die mense wat die bewerings maak asb. Vir ons die bewyse gee. Wat se grond is deur wie gesteel. So boere het gee lenings gehad en moes nie lenings terug betaal nie? Dis nuus vir my. En wie het die 26 miljard gekry ek het ons niks van dit gekry nie. Ek dink wit mense moet hulle begin dagvaar vir naam skending…