Onteien grond wat “met geweld gesteel is”, sê EFF-student

Lees ook:
Steve skryf ope brief aan Jaco Oelofse oor sy EFF(ense) denke

Jaco Oelofse. Foto: @EFFTuks op Twitter.

Jaco Oelofse. Foto: @EFFTuks op Twitter.

Grond in Suid-Afrika moet aan die “regmatige eienaars” terugbesorg word, aangesien dit “met geweld gesteel” is, sê Jaco Oelofse, die EFF se sekretaris by die Universiteit van Pretoria.

“Die grond is met geweld gesteel. Daar moet nie vergoeding wees nie en dit moet aan die regmatige eienaars terugbesorg word,” het Oelofse in ʼn onderhoud met Sapa gesê.

“Dit beteken egter nie dat grond nie met witmense gedeel kan word nie. Maar voor ons daaroor praat om grond met witmense te deel, moet ons eers daarop fokus om witmense te kry om eerste grond te deel.” Hy sê alle wit Suid-Afrikaners hoort in die land.

Oelofse is sedert Oktober 2013 ʼn lid van die Ekonomiese Vryheidsvegters (EFF) en sedert Februarie ʼn lid van EFF-Tuks. Die 23-jarige is ʼn filosofie- en politiekewetenskap-student. “Daar is geen ander opsie as nasionalisering nie.”

Oelofse sê hy het die EFF gekies aangesien daar geen ander party is waarvoor hy kan stem nie. Hy sê die EFF bied ʼn beter keuse rakende staatsbestuur en verseker ʼn meer bemagtigde bevolking.

Oelofse sê as ʼn Marxis identifiseer hy met die EFF. Hy sê sedert hy begin studeer het, het sy belangstelling in “radikale teorie” toegeneem.
“Ek vereenselwig my met ʼn radikale party wat die belange van die vertraptes, armes en stemloses op die hart dra.”

“As ʼn gay persoon glo ek ook die EFF is die regte party aangesien hulle loshande die mees progressiewe beleid rakende geslag en seksualiteit het. Die EFF veg vir die gelyke behandeling van almal. Ons kan nie groepe wat op die buiterand van die samelewing is, uitsluit nie.”

Hy sê behalwe vir die EFF is daar geen ander studente-organisasie wat openlik en met “radikale ambisie” teen wit heerskappy, patriargie, seksisme en homofobie veg nie.

Oelofse sê die EFF sien die wortel van die probleem, en nie net die oppervlakkige kwessies nie – volgens hom is dit hoekom die party gewild is.
Volgens hom het die EFF het hom met “ope arms” verwelkom en hoewel hy “ooreenkom om te verskil” met sommige van sy vriende en familie, ondersteun sy ouers sy politieke standpunte.

EFF-Tuks het tydens Woensdag se studenteraadverkiesing die posisie van adjunkpresident ingepalm, het hy gesê, maar hulle is nie tevrede daarmee dat AfriForum Jeug die portefeulje vir transformasie verower het nie.

Oelofse beweer EFF-Tuks het baie ondersteuning op die kampus, maar dat daar ook studente is wat nie van hulle hou nie. “’n Groep wit manlike studente het my ʼn bloedverraaier en ʼn moffie genoem. Nie baie oorspronklik nie, maar hulle het probeer.”

Oelofse sê hy het nog nie vir Julius Malema, leier van die EFF ontmoet nie, maar dat hy graag sal wil.

“Die media is effektief daarin om ʼn sterk swart stem te demoniseer. Ek dink hy is ‘n uitstekende leier en presies die soort leier wat hierdie land nodig het,” het Oelofse gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
gert nel

Moet hom nie kop toe vat nie. Hy is verlore in sy eenvoudigheid.

Izak

Jy word baie betaal om twak kwyt te raak!! Jy moet wakker skrik!!!

Ratel

Lee blikke maak die meeste geraas….

Ratel

Lee blikke maak die meeste geraas…

Charmaine

Nou bring die bewyse jou deurmekaar tor, maar daar is nie….!!!! Alles wat ons in die lewe wil hê moet ons koop met hard verdiende geld..!!!!!