Foto: Magda Ehlers/Pexels.com
Die ad hoc-komitee oor die verandering van art. 25 van die Grondwet om onteiening sonder vergoeding te vergemaklik het Vrydag sy program vir openbare verhore vir Limpopo en die Noord-Kaap gefinaliseer.
Die komitee sal volgende week verhore in twee groepe hervat vir die oorblywende provinsies. Die afvaardiging van Groep A sal met sy openbare verhore in Limpopo begin en die afvaardiging van Groep B sal met sy openbare verhore in die Noord-Kaap begin. Die verhore is geskeduleer vir 22 – 25 Oktober 2020.
Dr. Mathole Motshekga, voorsitter van die komitee, het gewys op die belangrikheid om die proses so vinnig as moontlik af te handel en gesê die komitee hanteer ʼn “sensitiewe saak wat vrede en maatskaplike kohesie moet bevorder”.
Die komitee het besluit om ʼn addisionele distrik by sy program in Noord-Kaap te voeg om die groot dele van die Noord-Kaap te dek en seker te maak dat soveel as moontlik mense die geleentheid kry om hul insette te lewer.
Die program is hier beskikbaar: https://tinyurl.com/yxafdylc
Tyd en geld mors. Van wanneer steur die regering hulle aan enige insette van enige iemand. Dit is net oë verblindery.
Hier kom sports. Ek hoor al die musiek. Poppe gaan dans
Jy het dit mis. Die regering sal die georkestreerde ondersteuning spruitend uit die openbare verhore gebruik as motivering vir hul kommunistiese beleidsbesluite.
Gaan dié onteiening sonder vergoeding net oor wit mense met landbougrond, of is wit mense se grond in stede en dorpe ook ter sprake? Ek besit 2 huise in stedelike gebied, so 25km van mekaar af. Gaan ek:
1. Uitgelos word?
2. Net 1 verloor met as rede dat dit onregverdig is om 2 te besit?
3. Albei verloor?
Dis witmense wat alles sal verloor. Ek twyfel of Ramaphosa se plaas in gedrang is, of inheemse konings se voorregte.
Die openbare verhore sal net die geleentheid bied vir busvragte ANC-ondersteuners om hul leke-opinies te lug. Aangesien hulle niks het om te verloor nie, maar wil kry wat aan ander behoort, sal hulle eenparig eiendomsreg wil vernietig, ongeag die globale ekonomiese implikasies vir Suid-Afrika, soos disinvestering.