Onteieningswet: EFF is ontevrede

EFF-leier Julius Malema. Foto: EFF/Twitter

Die proses oor die verandering van die Grondwet om onteiening sonder vergoeding te vergemaklik, is besig om in al meer omstredenheid omhul te word.

Die publiek het tot die einde van die maand om kommentaar te lewer op die bewoording (en dus die gevolge) van die voorgestelde grondwetwysiging.

Maar nou het die EFF begin beweer daar is ’n slang in die gras. Hulle beweer vuilspel omdat die voorgestelde wetsontwerp net voor Kersfees in die Staatskoerant gepubliseer is. Die EFF meen omdat soveel mense dan met vakansie en minder op hul hoede is, verteenwoordig die tydsberekening ’n poging om die grondwetwysiging ongesiens by die publiek verby te smokkel sodat hul reg op deelname ondermyn en hul opinie nie gehoor word nie.

Die vreemde aspek van hierdie EFF-reaksie is dat die tydsberekening van die konsepwetsontwerp se publikasie die EFF verras, aangesien die besluit oor die publikasiedatum eenparig, openlik en in die openbaar geneem is deur die ad hoc-komitee van die parlement. Dié komitee skryf die wetgewing en die EFF se onderleier, Floyd Shivambu, is ’n lid hiervan.

Dit sou die EFF dalk minder verras het as hulle die vergaderings waarop die besluite geneem word minder gereeld misloop, of in geval van afwesigheid bloot die beskikbare notules aanvra om uit te vind wat hulle misgeloop het.

Intussen het 88% van mense wat aan ’n aanlyn peiling oor die kwessie deelgeneem het, hulle teen die wysiging van die Grondwet uitgespreek. Hoewel dit tot groot opwinding en publisiteit aanleiding gegee het by dié wat met die 88% saamstem, is die peiling lukraak en onwetenskaplik, onder meer omdat dit nie ewekansig of verteenwoordigend is nie.

Die syfer van 88% kan in elk geval binnekort dramaties verander aangesien die EFF ’n versoek aan hul ondersteuners gerig het om in groot getalle aan die peiling deel te neem.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Jakes

Waar kan ek die nuwe wetsomwerp gaan lees en stem?

Johanna Botha

Hulle kan jy nie tevrede stel nie …wys een ding wat al opgebou is …presies daar le jou antw !

barend v d westhuizen

eff is n klom mense wat alles wil he en net verder hulle sakke kan vil en hulle teer op mense wat nie behoorlik in gelig is nie

Spike

eff, julle is altyd besig met vuilspel.

JP

Die EEF is gedurig besig om die daar gestelde ooreenkomste te ondermyn, hulle self het niks bygedra tot opbouing van die land nie, nee eerder breek en brand hulle alles wat duur tot stand gekom het af