Onteieningswet wat misluk ‘oorwinning vir SA se grondwetlike bestel’

Dr. Annelie Lotriet (Foto: Facebook)

Die mislukking van die ANC om ’n tweederde-meerderheid te kry om die 18de grondwetlike wysigingswetsontwerp te wysig, wat sou lei tot die wysiging van artikel 25 van die Grondwet om grondonteiening sonder vergoeding toe te laat, is ’n oorwinning vir Suid-Afrika se grondwetlike bestel.

Dr. Annelie Lotriet, LP en voorsitter van die DA se parlementêre koukus, het gesê Dinsdag se uitkoms was ’n hoogtepunt van drie vermorste jare waarin die parlement die wetsontwerp moes verwerk terwyl ernstige kwessies geopper is oor die impak daarvan op die ekonomie, die oppergesag van die reg en voedselsekerheid. “Die ANC het van hierdie gevare geweet – vandaar hul onwrikbare weiering om toe te laat dat ’n ekonomiese impakstudie gedoen word.

“Ons het lankal betoog teen die noodsaaklikheid om artikel 25 van die Grondwet te wysig omdat dit in sy huidige vorm reeds genoeg bepalings het om ’n regverdige en billike grondhervormingsproses moontlik te maak.”

Lotriet meen die artikel 25 ad hoc-komitee was sedert sy totstandkoming op 6 Desember 2018 net ’n politieke teater vir botsende ANC-faksies en die radikale fantasieë van die EFF. “In hul haastige poging om grondonteiening sonder vergoeding en nasionalisering van grond na te streef, het die twee partye hul minagting vir die Grondwet en onvervreembare eiendomsreg van alle Suid-Afrikaners blootgelê.”

Die DA het nog altyd aangevoer dat hierdie wetsontwerp nooit na die parlement verwys moes word nie, aangesien dit niks help om grondlose Suid-Afrikaners te help wat deur die ANC se mislukte grondhervormingsprogram in die steek gelaat is nie.

“As’t ware het die ANC en die EFF tyd gemors op ’n proses wat nooit die grondkwessie vir grondlose Suid-Afrikaners gaan takel nie. Vir al die jare wat die komitee bestee het om die eiendomsreg van Suid-Afrikaners weg te neem en alle grond te nasionaliseer, moes fokus eerder geskuif het na toegang tot staatsgrond, die verbetering van verblyfsekerheid en die verskaffing van ondersteuning aan opkomende boere.”

Lotriet meen ook pres. Cyril Ramaphosa se herhaalde bewering dat artikel 25 van die Grondwet gewysig kan word sonder om die ekonomie en voedselsekerheid te beïnvloed, was misleidend. “In Venezuela en Zimbabwe het die getorring aan eiendomsreg hul ekonomieë in duie laat stort, gelei tot wydverspreide hongersnood en gelei tot grootskaalse uittog van kapitaal.”

Wat Suid-Afrika nodig het, is ’n pragmatiese en rasionele benadering wat binne die grense van huidige grondwetlike bepalings oor grondhervorming sal funksioneer, aldus Lotriet. “Nasionalisering van grond en die uitsluiting van die howe om grondonteieningsake te besleg, soos voorgestel deur die ANC en die EFF, sou die oppergesag van die reg ondermyn en Suid-Afrika tot ’n ekonomiese dorsland verminder het.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Jaco

Voordat almal nou te bly word, onthou tog net die volgende 2 dinge: 1. In Zimbabwe het nogal swart regters in die howe gesê dat die onteiening sonder vergoeding van wit boere ongrondwetlik is. Al wat president Mugabe toe gedoen het, was om daardie regters af te dank en met regters te vervang wat beloof het om altyd uitsprake te lewer wat by Mugabe se beleid inpas. Dieselfde kan maklik in SA gebeur. 2. Die EFF het vir heel ander redes as die res van die opposisiepartye teen die onteieningswet gestem. Vir die EFF is die ANC se onteieningsplanne nie… Lees meer »

PieterJ

Maar anc gaan dit nie hier los nie, hulle gaan nou die wet meer kommunisites maak om EFF steun te kry om die wet goedgekeur te kry.

Francois

Stem saam met ander kommentators dat alhoewel sover as wetgewing gaan dit gooi nuus is, dit wel sekerlil lank nie die laaste is wat ons hiervan hoor nie. Die enigste rede hoekom die EFF dit nie gesteun het nie was omrede hulle alle grond onder staatsbeheer wil hê so niemand sal ooit grond besit nie. Die uitlatings van Julius Malema soos op die News24 blad gerapporteer mag ook tot geweld teen grondeienaars asook meer onwettige grondbesetting lei.

Hennie

Mors van KLOMP geld deur die ANC en die parlement.

Andre

Hierdie was die laaste skop van die ANC, hulle is nou behoorlik net met een voet in die graf!