Ontkleedanser in Joost-video vas vir dwelms

Marilize van Emmenis tydens 'n fotosessie vir die FHM-tydskrif.

Marilize van Emmenis tydens ‘n fotosessie vir die FHM-tydskrif. Foto: YouTube

Marilize van Emmenis (29), die ontkleedanser wat destyds in Joost van der Westhuizen se sogenaamde seksvideo te sien was, is in verband met dwelmbesit in hegtenis geneem, het Beeld Dinsdag berig.

Volgens die berig het Van Emmenis Maandagaand by die Kameeldrift-polisiestasie in Pretoria agter tralies deurgebring.

Sy is omstreeks 14:00 by haar huis in Montana, noord van die stad, in hegtenis geneem nadat ʼn halwe sakkie van die dwelmmiddel Cat in haar besit gevind is.

Mirna von Benecke, polisiewoordvoerder van die Sinoville-polisiestasie, het die inhegtenisneming aan Beeld bevestig maar het nie die vrou se naam bekend gemaak nie.

Van Emmenis sal na verwagting Dinsdag in die Pretoria-Noord-landdroshof verskyn.

Sy was betrokke in die sogenaamde seksvideo saam met Joost in 2006 wat wys hoe sy en die voormalige Springbokkaptein ʼn wit poeier snuif. Van der Westhuizen het nadat die video aan die media uitgelek het, sy werk as aanbieder van SuperSport verloor. Dit het ook konflik in sy huwelik met Amor Vittone veroorsaak. Van Emmenis het ná die herrie gesê dit was ʼn fout om die steelvideo te maak en aan die media uit te lek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
scalla

Slim het sy baas gevang, kierangkies braai want die wiel draai

charmaine

geen simpatie met haar of Joos.Almal het n keuse ja ek wil of nee ek wil nie.

Dianne

Daardie gegsegde…. die wiel draai …… hier is ‘n bewys…..
MOENIE AAN ANDER MENSE DOEN WAT JY NIE AAN JOUSELF WIL DOEN NIE, dan vang slim sy baas. Hoop nie sy kom weg hiermee nie.

Hennie Louw

Daai sonde was die gebruik van verbode middels/opkikkers. Lees maar wat ‘n Franse tydskrif oor ons ‘hero’s’ van 1995 se gebruike te skryf gehad het. Sê dit al lankal.

Leeutjie

Dis kras!!! Hulle noem dit vergifnis Lize…