Ontslag van juffrou wat gr. R-kind klap, verwelkom

In die kort video wat wyd op sosiale media versprei word, wys dit hoe die leerder huil en neul terwyl die onderwyseres hom verwoed op die kop klap (Foto: Skermskoot uit video)

Die onderwyseres van die Nchuncheko Primary School in Soshanguve, Pretoria-Noord, wat verlede week ʼn gr. R-leerder geklap het, is ontslaan. Dit volg nadat dié onderwyseres eers met onmiddellike inwerkingtreding geskors en toe dissiplinêr verhoor is.

Maroela Media het vroeër berig ʼn herrie het op sosiale media uitgebreek nadat ʼn video aan die lig gekom het waarin dié onderwyseres ʼn gr. R-leerder geklap het. Die kort video wat wyd op sosiale media versprei word, wys hoe die leerder huil en kerm terwyl die onderwyseres hom verwoed op die kop klap.

Steve Mabona, woordvoerder van die Gautengse departement van onderwys, sê die departement verwelkom die onderwyseres se ontslag.

“Ons kan bevestig dat ʼn dissiplinêre proses Maandag plaasgevind het en dat die uitspraak die onmiddellike afdanking van die gr. R-praktisyn behels,” bevestig Mabona.

Die uitslag van die tugverhoor is vandag (Dinsdag) aan die onderwyseres beteken.

“Die departement staan ten volle agter die skool se besluit om die onderwyseres te ontslaan om sodoende ʼn sterk boodskap uit te stuur dat geweld nie as ʼn dissiplinêre maatreël gebruik mag word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Phil

Ek dink nou hoe die onderwysers ons as kinders bygedam het vir bykans al ons skooljare, en dan as ons by ons ouers gekla het kry ons weer pakslae.
Al daai slegte onderwysers het daarmee weggekom. Dit was kindermishandeling!

Veronica

Dis van te min of geen pakslae wat die kinders geen respek het vandag nie, maar dis waarvoor mens boude het, ‘n mens slaan ni ‘n kind teen die kop nie! Dis onaanvaarbaar

Erika

JY DISIPLINEER NIE N KIND DEUR HOM OP SY KOP TE KLAP NIE -DIT IS MISHANDELING.

Anthony

Die ouers nou n aanranding saak maak teen haar.

Nico

Waar val uit ‘n boom uit, lyfstraf is deur jou regering verbied en nou kom jy en klap dieGraad R kind teen kop, dis reg daar moes nie eers ‘n verhoor gewees het nie.