Ontsnapping uit polisietrok: Drie vas

Foto: Phillip Bruwer

Foto: Phillip Bruwer

Drie van die vyf verhoorafwagtende gevangenes wat Woensdag uit ʼn polisievragmotor ontsnap het, is weer in hegtenis geneem.

Kol. Lungelo Dlamini, woordvoerder van die polisie, het gesê die gevangenes is Woensdag omstreeks 08:00 van die Kgosi Mampuru-gevangenis na die Themba-landdroshof naby Hammanskraal vervoer.

Die gevangenes kon daarin slaag om op pad na die hof uit die polisievoertuig te ontsnap. Dlamini het egter nie bekend gemaak hoe hulle dit reggekry het nie en ʼn ondersoek word gedoen om die presiese omstandighede rondom die voorval vas te stel.

Drie van die verdagtes, Solly Mokoena (31), Sello Lebea (31)en Thabiso Gololo (28), is egter Woensdagaand weer in Themba in hegtenis geneem. Bykomende aanklagte van ontsnapping uit aanhouding staar hulle nou in die gesig. Mokoena en Lebea word van gewapende roof en moord aangekla terwyl Gololo van verkragting beskuldig word.

Die ander twee gevangenes, Thabang Shongwane (26) en Benjamin Bapela (31), is steeds soek. Hulle word van verkragting aangekla.

Enigiemand met inligting oor die voorval word versoek om die naaste polisiestasie of 08600 10111 te skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

MarieM ·

Ons ry elke oggend oppad werk toe verby Kgosi Mampuru en het al baie gesien dat die Polisie voertuie glad nie agter met iets vas gemaak word om te verhoed dat dit sommer net opgemaak kan word nie.

Oom Walker ·

En die betrokke polisiemanne wat hulle vergesel het se verweer is wat?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.