ʼn Verhoorafwagtende gevangene is weer vasgetrek nadat hy onder ʼn skuilnaam in ʼn hospitaal opgeneem is. Die verdagte het in September verlede jaar uit aanhouding ontsnap.
Vusi John Mabona (33) is aanvanklik in hegtenis geneem op aanklag van roof en verkragting met verswarende omstandighede, maar het in September saam met twee ander verdagtes ontsnap toe polisiebamptes die roetine-inspeksie van selle gedoen het.
Die polisie kon daarin slaag om die ander verdagtes vas te trek, maar Mabona het hulle bly ontwyk.
“Die polisie het egter ʼn wenk ontvang dat Mabona in die hospitaal opgeneem is nadat hy deur lede van die gemeenskap aangeval is toe hy probeer het om ʼn bejaarde vrou te verkrag,” het kol. Moatshe Ngoepe, polisiewoordvoerder, gesê. “Hy is onder ʼn valse naam in die hospitaal opgeneem, juis om die polisie op ʼn dwaalspoor te plaas, maar die polisie het op die wenk gereageer en die verdagte weer in hegtenis geneem.”
Die verdagte het Vrydag in die landdroshof in Groblersdal, Mpumalanga, verskyn op aanklagte van moord, verkragting en ontsnapping uit polisieaanhouding. Sy saak is tot 25 Februarie uitgestel vir verdere ondersoek.
Vir wat nog ‘n datum vasmaaak? Julle moes tyd en geld, bonnis die stuk gemors. Hy gaan in elk geval in weelde leef vir dit wat hy gedoen het. Wrns ek kon regtig skryf wat ek dink. Ek bly liewer stil
En só word ons belastinggeld op gemors verkwis.
Verduidelik jouself, sodat ek weet of die duim op of af moet wees.