‘Ontvoerde’ sakeman van Limpopo veilig tuis

Premjee se voertuig is verlate aangetref. (Foto: SA Polisie)

‘n Bekende sakeman van Louis Trichardt in Limpopo wat meer as ses weke gelede na bewering ontvoer is, is terug by sy familie.

Brig. Motlafela Mojapelo, polisiewoordvoerder, het Maandagmiddag aan Maroela Media bevestig die man is ongedeerd en met sy familie herenig.

Die presiese omstandighede rakende die sakeman se vermeende ontvoering en tuiskoms is egter in dié stadium nog onduidelik.

Volgens Mojapelo gaan die polisie sy ondersoek sluit.

Maroela Media het vroeër berig die man het op 9 April sy huis in ʼn Mercedes-Benz GLC 250 verlaat toe twee voertuie glo die pad by ʼn stopstraat versper het. Een van die voertuie het hom glo van voor gestuit, en die ander van agter.

Die ontvoerde se voertuig is later verlate langs die pad op die hoek van Forestryweg en Berghstraat in die dorp gekry. Daar was vir weke daarna geen teken van Premjee nie.

*Hierdie berig is op versoek van die slagoffer se regspan gewysig, om die man se identiteit te beskerm -Red.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Misky

Baie bly hy is veilig tuis, maar darem baie snaakse storie en soveel vrae. 6 weke is ‘n baie lang tyd en die media was stil oor die man.

Moedeloos

Hoekom sluit die polisie die saak. Tyd en geld is gemors hul moet mos die saak enduit vat en bepaal waar was die man. Skroef hom op vir vrugtelose uitgawes aangegaan. Dit sal ander ook leer om nie net te verdwyn en dan later opdaag nie. Daar moet finansiele boetes vir sulke gevalle ingestel word.

Sêmanet

Dit gebeur so gereeld. Maar as die persoon gevind word, dan is dit so privaat ens. Maar in die meantime bid almal verwoed en versprei die nuus en worry hulle koppe af. As mense weer wonderbaarlik gevind word, kan daar mos gesê hoekom en waarom. Wanneer mense dood gevind word, dan hoor ons dit, maar nie as hul op hul eie trippie gegaan het nie. Hoe werk dit?

SomeOne

eks seker dit was ‘n gereelde (organised) ding gewees

Thea

Sy familie het seker ‘n losprys betaal…