‘Onvanpas’ vir Noakes om raad op Twitter te gee

Prof. Tim Noakes. Foto: Twitter

Prof. Tim Noakes. Foto: Twitter

Dit was onvanpas vir prof. Tim Noakes om raad op Twitter te gee, het die Raad vir Gesondheidsberoepe van Suid-Afrika (RGSA) gehoor.

Prof. Muhammad Ali Dhansay het gesê Noakes se twiet het nie genoeg besonderhede verskaf nie en hy ken ook nie die mediese geskiedenis van die baba oor wie hy raad gegee het nie. “Prof. Noakes het onvanpaste en onverantwoordelike voedingsraad aan ’n ma verskaf.”

Noakes word deur die Suid-Afrikaanse Dieetkunde-vereniging (Adsa) daarvan beskuldig dat hy “ongewone raad” op sosiale media gedeel het nadat hy ʼn ma aangeraai het om haar baba met ’n laekoolhidraat-, hoëvet-dieet te speen.
Adv. Ravin Ramdass, Noakes se regsverteenwoordiger, het gesê niks het daarop gedui dat die kind ʼn “mediese toestand” het nie.

Dhansay het hierop geantwoord dat daar ook geen inligting was wat daarop gedui het dat die kind nié ʼn mediese toestand het nie. Dhansay het vroeër die belangrikheid verduidelik om al die agtergrondinligting van ʼn pasiënt te ken wanneer raad gegee word. “Volgens my was Noakes se twiet heeltemal onvanpas.”

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

Manie ·

Tim het raad gegee. Die ouers kon besluit of hulle dit gaan volg of nie!!
Hierdie klink vir my na ‘n Heksejag met bymotiewe!!

Arno ·

Klink vir my ook na heksejag! Dit is duidelik sekere verdagte mense het hul mes in vir hom!

Tjaart ·

Heelwaarskynlik net herhaal wat hy in sy boek “Raising superheros” klaar gesê het…

RB ·

Is dit nou regtig al wat hulle te se het. Was/is hierdie hofsaak regtig nodig?????

Tong in die kies ·

Nee-a, Gerrie – natuurlik ken jy so ‘n heks!!! Wat van Hansie en Grietjie se heks, wat hulle vingertjies se vet inhoud gemeet het! Sy wou hul nie eet, voordat dit nie lekker vet was nie!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.