Oom gevonnis oor kinders se grusame moord

Argieffoto

ʼn 32-jarige man is in die Pietermaritzburg-hooggeregshof gevonnis in verband met die grusame moord op vier van sy suster se kinders.

Kapt. Nqobile Gwala, woordvoerder van die polisie, het bevestig Ben Zimele Mbhele is tot vier keer lewenslange tronkstraf gevonnis nadat hy skuld beken het op alle aanklagte.

Die hof het gehoor hoe hy die kinders op 2 September 2017 in Ncukeni, Port Edward, vermoor het.

Maroela Media het vroeër berig Mbhele is in hegtenis geneem nadat drie kinders, tussen vier en 12 jaar oud, is omstreeks 07:00 die oggend met verskeie steekwonde in ʼn huis aangetref. Hul linkerore is afgesny. ʼn Vierde kind se liggaam is buite die huis aangetref, ook met verskeie steekwonde aan die bolyf.

Genl.maj. Bheki Langa, waarnemende provinsiale polisiekommissaris, het die vonnis verwelkom en gesê hy hoop dit bring berusting vir die familie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.