Oom gevonnis vir verkragting van tiener

Argieffoto

ʼn 40-jarige man van KwaZulu-Natal is Donderdag tot lewenslange tronkstraf gevonnis nadat hy sy susterskind oor ʼn tydperk van twee maande verkrag het.

Lt.kol. Thulani Zwane, polisiewoordvoerder, het gesê die 16-jarige slagoffer het saam met haar oom in die Madadeni-gebied gebly toe sy verskeie kere van Desember 2014 tot Januarie 2015 deur hom verkrag is.

“Die beskuldigde het gedreig om die meisie dood te maak as sy vir enigiemand daarvan sou vertel het. Die slagoffer was braaf genoeg om teen hom op te staan en het die voorval in Januarie 2015 by die polisie aangemeld,” het Zwane gesê.

ʼn Saak van verkragting is aanhangig gemaak en die oom is dieselfde dag in hegtenis geneem. Hy was sedertdien in aanhouding nadat sy borgtogaansoek van die hand gewys is. Hy is in die Madadeni-streekhof skuldig bevind en gevonnis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Laksman ·

Sluit die seldeur, gooi die sleutel ver weg en sweis dan die deur vas aan die kosyn. Wat ‘n veragtelike daad. Wat het die regter nou weer gesê . . . ?

Sarel ·

Snaaks hoe dit werk. Hierdie man was, en met rede borgtog geweier. Tog was die twee mense van Bloemspruit Bloemfontein elke keer op waarskuwing vrygelaat.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.