‘Oorlog’ woed voort by Wits

Foto: Twitter via @MASANGO123

Foto: Twitter via @MASANGO123

Betogende studente het Maandagoggend weer chaos op die Braamfontein-kampus van die Universiteit van die Witwatersrand (Wits) veroorsaak ten spyte van ʼn swaar polisieteenwoordigheid en die implementering van streng veiligheidsmaatreëls deur die bestuur.

Die betogers het gesê hulle sal nie toelaat dat klasse hervat word nie alvorens daar aan hul eis vir gratis onderrig gehoor gegee is. Betogers het hulle skynbaar nie gesteur aan die reël wat oor die naweek deur die universiteitsbestuur ingestel is, dat hulle slegs in afgebakende, geïdentifiseerde areas mag betoog nie.

Foto: Twitter via @AI_WITS

Foto: Twitter via @AI_WITS

Polisiebeamptes en veiligheidswagte is weer eens met klippe bestook en die polisie het rubberkoeëls, skokgranate en traangas afgevuur om betogers uitmekaar te jaag. ʼn Rekenaarlaboratorium is vroeër met opset deur betogers oorstroom om studente uit die laboratorium uit te kry.

Volgens mediaberigte is twee studente Maandag op die kampus in hegtenis geneem. Brig. Sally de Beer, nasionale polisiewoordvoerder, wou dit nie onmiddellik bevestig nie en het gesê volledige inligting sal Maandagmiddag tydens ʼn mediakonferensie gegee word.

Foto: Twitter via @MASANGO123

Foto: Twitter via @MASANGO123

Die universiteit het in ʼn verklaring gesê geen amnestie sal aan studente gegee word wat betrokke is by onwettige aktiwiteite nie. Die verklaring het ook beklemtoon dat die bestuur verskeie kere direk met die studenteleierskap asook deur middel van bemiddellaars vergader het, maar dat dit tevergeefs was.

“Die senaat het ʼn nuwe akademiese kalender en eksamenrooster goedgekeur wat binne die volgende paar dae aan studente en personeellede beskikbaar gestel sal word. Geen studente sal verbied word om eksamen te skryf weens uitstaande klasgelde nie,” het die universiteit in die verklaring gesê.

“Ons moedig studente aan om vandeesweek terug te keer na klasse, selfs al is daar ontwrigtings. Ons verstaan dat sommige klasse wel ontwrig word, maar ons het geen ander keuse nie as om te probeer om die akademiese jaar te red.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Marina

En hoeveel van hulle is studente?

R van Niekerk

Ek sou graag wou weet wat die studenteleiers se akademiese geskiedenis/rekord is en wie vir hulle studies betaal.

Boer maak plan

Gaan eenvoudig voor met onderrig via sosiale media en chat groepe tot die stof gaan lê.

callie

Moenie ingee. Niks kan kom van gratis onderrig. Gedink aan die duisende wat dan goed gaan afbrand oor hy nou gratis kan onderrig kry maar daar nou kamtig nie plek is nie. Vra weer laat studente wat wil studeer hulle name opsit en klas loop. Enige oortreder of staker word verwyder en vir 2 jaar van kampusse geskors.
Hoe moelik is dit om dissipline toe te pas. Brandstigters wat geidentifiseer is moet tronk toe. ASB. Julle leiers met handskoene aan vernietig SA in n rekord tyd.

arizona

Duidelik werk die rubber koels, traangas en skokgranate nie.