Oorsaak van treinbotsing bekend

Twee treine het tussen Pretoria en Johannesburg gebots. Foto: @EMER_G_MED /Twitter

Twee treine het tussen Pretoria en Johannesburg gebots. Foto: @EMER_G_MED /Twitter

ʼn Menslike fout was die oorsaak van die botsing tussen twee passasierstreine Maandagmiddag tussen Johannesburg en Pretoria waarin een mens dood en talle ander beseer is.

Metrorail het Maandagaand gesê een van die treine het verby ʼn gevaarteken gery voordat dit naby die Kaalfontein-stasie in Tembisa, noord van Johannesburg, reg van voor teen die ander trein gebots het.

Volgens Metrorail is een mens op die toneel dood en 243 passasiers van albei treine beseer. Die oorledene se liggaam is in een van die treinwrakke aangetref. Niks kon vir hom gedoen word nie en hy is op die toneel dood verklaar.

“ʼn Ondersoek sal gedoen word na die oorsaak van die ongeluk. Die Passasierspooragentskap van Suid-Afrika (Prasa) sal saam met die spoorveiligheidsreguleerder werk in hierdie verband. ʼn Saak van strafbare manslag is by die Tembisa-polisiestasie aanhangig gemaak,” het Metrorail gesê.

“Die ongeluk en die verlies van lewens is betreurenswaardig en ons spreek ons innige medelye aan die familie van die oorledene uit. Metrorail en die Prasa-bestuur wens die beseerdes ʼn spoedige herstel toe.”

Die maatskappy het gesê ʼn kosteberaming van die skade van die ongeluk is nog nie gedoen nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Lance

So die drywer was nalatig gewees

Wim

As die persoon in beheer van die trein willens en wetens verby “n gevaarteken ry, wat is die kanse dat hy/sy by ‘n rooi verkeerslig sal stop.

Wim

As die persoon in beheer van die trein nie ag slaan op ‘n relevante gevaarteken nie, wat is die kanse dat hy/sy by ‘n rooi verkeerslig sal stilhou.

matie willemse

Dit kry jy nou van “affirmative action”

Carel

Die oorsaak is bekend maar ‘n ondersoek na die oorsaak sal gedoen word . . . ?