Oos-Kaap-polisieman vas na hy meisie skiet

Argieffoto Foto: SAPD, Facebook

Argieffoto Foto: SAPD, Facebook

Konstabel Ezile Nxitywa (29) van die Matatiele-polisie in die Oos-Kaap, het Maandag vlugtig in die dorp se landdroshof verskyn op aanklag van poging tot moord.

“Nxitywa en sy meisie was Sondagoggend op pad na Maluti toe hulle stry gekry het,” het kol. Sibongile Soci, woordvoerder van die polisie in die Oos-Kaap, in ‘n verklaring gesê. “Hy is Sondagmiddag omstreeks 14:00 weer na haar huis waar hy haar in die badkamer gekonfronteer het.”

Nxitywa het die meisie glo in haar badkamer geskiet. Sy is in die bors getref en is na Matatiele-hospitaal gehaas. Sy is later na die Umtata-hospitaal oorgeplaas. Sy is in ʼn stabiele toestand.

“Die polisiekonstabel is in hegtenis geneem en sal na verwagting Woensdag aansoek doen om borgtog,” het Soci bygevoeg. “Sy amptelike vuurwapen is gekonfiskeer vir ballistiese toetse. Die nodige dissiplinêre prosesse word deur die polisie gevolg.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Jan Prinsloo ·

Regters en regslui moet aangekla word mefeplitiges as kriminele borgtog kry en hulle moor weer

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.