Oos-Kaapse polisiebeampte doodgeskiet

Argieffoto

Argieffoto

ʼn 33-jarige polisiebeampte van Hofmeyr, noord van Cradock in die Oos-Kaap, is oor die naweek doodgeskiet.

Kapt. Stefanie Smith, polisiewoordvoerder, het gesê die polisiebeampte, wat nie aan diens was nie, se liggaam is Sondag in die vroeë oggendure in ʼn straat naby sy vriendin se huis in die Zwinde-uitbreiding aangetref.

“Die beampte se dienspistool is sowat ʼn meter van sy liggaam gevind. Hy het aan ʼn kopwond gesterf,” het Smith gesê.

Niemand is nog in verband met die moord in hegtenis geneem nie. Die motief vir die voorval is onbekend.

Brig. Madoda Zamkana, bevelvoerder van die Cradock-streek, het gesê die polisie sal nie rus voordat die skieter in hegtenis geneem is nie.

Die beampte se naam is nog nie bekend gemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.