Oos-Kaapse sakeman vas oor bedrog van R24 miljoen

geld ekonomie suid-afrika

Argieffoto

ʼn Oos-Kaapse sakeman sal na verwagting hierdie week in die handelsmisdaadhof in Port Elizabeth verskyn op aanklag van bedrog ter waarde van ongeveer R24 miljoen.

Kapt. Anelisa Feni, woordvoerder van die direktoraat vir prioriteitsmisdaadondersoeke (die Valke), het gesê die 43-jarige man sal Vrydag in die hof verskyn.

“Die verdagte het na bewering tussen Oktober en Desember 2009 vervalste belastingsertifikate en verwysingsbriewe by die departement van onderwys in die Oos-Kaap ingedien sodat die departement ʼn tender van R24 miljoen aan hom kon toeken,” het Feni verduidelik.

Die teenkorrupsie-taakspan van die Valke stel sedert Februarie 2013 ondersoek in oor die beweerde bedrog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Swannie ·

Stuur hom Parlement toe.
Hy het nou die nodige praktiese ondervinding om in die Staatsdiens te werk.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.