Vyf verkeersbeamptes van verskeie munisipaliteite in die Oos-Kaap en vier eienaars van ryskole is in hegtenis geneem in verband met korrupsie.
Kol. Katlego Mogale, woordvoerder van die direktoraat vir prioriteitsmisdaadondersoeke (die Valke), het gesê die operasie, in samewerking met misdaadintelligensie, is van Sondagaand tot Maandagoggend vroeg uitgevoer in Mount Ayliff, Mount Frere, Ntabankulu en Qumbu. Die inhegtenisnemings volg ná bewerings van korrupsie in die uitreik van leerderbestuurderslisensies en bestuurderslisensies.
“Verkeersbeamptes en eienaars van ryskole het na bewering saamgespan om die lisensies uit te reik in ruil vir kontant. Die nege verdagtes, tussen 28 en 45 jaar oud, sal na verwagting Dinsdag in die streekhof in Mount Frere verskyn op aanklag van bedrog en korrupsie.”
Dis hoekom die taxi’s ry soos hulle wil oe ee ee jy gaan koop sommer ‘n lisensie…
Nou soek hulle die redes vir die hoë pad sterftes, weereens korupte amptenare en onbevoegde bestuurdes, nes die grade van dese dae, gekry, maar nie verdien nie. Weet nie wat is 7×3 nie.
As dit nie vir misdaad was nie, sou daar niks nuus gewees het nie