Opposisie pleit by Zuma oor Onteieningswet

huis eiendom

Argieffoto

Die Demokratiese Alliansie het pres. Jacob Zuma versoek om die omstrede Wetsontwerp oor onteiening weer terug te verwys na die parlement, aangesien die party se prokureurs daarop gewys het dat die wetsontwerp ongrondwetlik is.

DA-LP Anchen Dreyer het gesê die wetsontwerp is teenstrydig met artikels 25 en 26 van die Grondwet wat onderskeidelik verband hou met die reg op eiendom en die reg om nie sonder ʼn hofbevel uitgesit te word nie.

“Dit moet deur die parlement reggestel word. Die president kan dit nie met ʼn skoon gewete bekragtig, totdat dit in lyn gebring is met die Grondwet nie,” het sy gesê.

Dreyer het gesê die DA is ook oortuig dat daar onreëlmatighede was in die proses waarvolgens die wetsontwerp verlede maand goedgekeur is en dat dit gevolglik aan die Nasionale Raad van Provinsies teruggestuur moet word “om hierdie foute reg te maak”.

“Die wetsontwerp moet onder andere onderwerp word aan openbare deelname. Die foute oor die voldoening aan vereistes in die mandatering en stemprosedures in die provinsiale wetgewer en die Nasionale Raad van Provinsies moet ook eers aangespreek word – soos vereis deur die Grondwet,” het Dreyer gesê.

“As die president hoegenaamd ernstig is oor die Grondwet in die algemeen, en veral eiendomsreg, sal hy nie die wetsontwerp teken nie.”

Die wetsontwerp, wat al sedert 2008 in die pyplyn is, poog om rasse-ongelykhede aan te spreek in grondeienaarskap. Dit sal die staat toelaat om grond aan te skaf “in openbare belang” teen pryse wat deur ʼn regeringsberegter bepaal is en die gewillige koper/gewillige verkoper-beleid vir grondhervorming sal tot ʼn einde kom.

Lees alle vorige berigte oor die Onteieningswetsontwerp op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Marous

Pleit klink pateties apologeties … die grondgryp agenda sal NOOIT verdwyn nie .

My bydrae

Hoekom sal zuma hom nou aan die grondwet steur? Hy het tot dusver elke keer die middelvinger gewys

Dup du Plessis

– wat van uitstaande skuld op grond wat gekoop (nie gesteel) is nie….sal die staat die reeds betaalde paaiemente aan die eienaar met rente terug betaal en die balans en nuwe verbeterings vereffen? – wat gebeur as die staats aanbod baie laer is as die lening wat die eienaar by die bank afbetaal, gaan die eienaar nou gedwing word om dit steeds af te betaal? (m.a.w. hy subsidieer dan die staat en word afgepers om te betaal vir iets wat hy/sy nie kry nie) ……..so kan daar nog honderde vrae gevra word……..maar nou ja die hele wereld pas mos in… Lees meer »

Johann

Ons moet wakker slaap. Dis verkiesingstyd en Zuma en sy brigade sal enigiets doen om die massas te beinvloed om Pro ANC te “dink” en doen. Maak nie saak hoeveel verwoesting gepleeg word nie. En dis ná die verkiesung wat die absurdhede qat beloof is nie realiseer soos belowe en dan…trek die gemeenskap aan die kirt end as daar begin staak; brand; breek word.

At van Jaarsveld

Het hulle gepleit of versoek.? Daar is beslis n verskil