Oproeriges brand vragmotor uit op Stutterheim

Betogers het ’n vragmotor op die N6 uitgebrand wat sap vervoer het. Foto: SAPD

Nog 17 mense is op Stutterheim tydens betogings in die township Mlungisi in verband met openbare geweld en opsetlike saakbeskadiging in hegtenis geneem.

ʼn Groep oproeriges het Donderdag omstreeks 13:00 ʼn vragmotor wat sap vervoer het, aan die brand gesteek. Niemand is beseer nie, sê kapt. Siphokazi Mawisa, polisiewoordvoerder.

Hy sê hulle hou intussen die situasie dop en patrolleer die omgewing.

Brig. Luntu Ngubelanga, bevelvoerder van die King Williams Town-polisiegroepering, sê die polisie veroordeel sulke geweldsdade ten sterkste en sal geen verdraagsaamheid met oortreders hê nie.

Hoewel die N6 deur die Oos-Kaapse dorp oopgestel is, is sporadiese voorvalle nog gister deur die loop van die dag aangemeld. Die polisie het motoriste dus aangeraai om ompaaie te gebruik tot die situasie na normaal terugkeer.

Die verdagtes sal na verwagting binnekort in Stutterheim se landdroshof voorkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Georg

Township? Eerder nedersetting?

HPV

Ons brand en vernietig want die regime en sy polisie mag ons nie keer nie.
Dit is waarom Suid Afrika ‘n armlastige bakhandstaande land soos die res van Afrika sal bly. Dit is die rede vir die waarom ek begin kyk na moontlikhede om my besigheid oorsee te skuif soos, twee van my vriende reeds gedoen het. Dit help nie om welvaart te probeer skep nie in ‘n anargistiese land nie.

Annamarie Olivier

In hierdie land word alles net afgebreek en niks gebou nie.
Piesangrepubliek!

trol

as die polisie “sulke dade” veroordeel het, sou dit lankalnie meer gebeur het nie. of jy nou oor die pad loop en n trok aan die brand steek of tydens n staking n trok aan die brand steek bly dit brandstigting, opsetlike saak beskadiging en in die geval poging tot moord. daardie trok staan tussen ander voertuie met mense in, nie afgesonderd in n veld nie. almal kriminele oortredings.

Jacques

Ja en die burgers in die land is wetsgehoorsaam net me sisulu ? Mense moet ompad ry want die pad waarvoor hulle betaal en mag ry omdat hulle betaal word deur barbare geblok en beskadig , hoe belaglik is dit nie . Ek neem aan daar was nog geen lede van SAPS toe die voertuig aan die brand gesteek is nie???