Optog in Baai teen bendegeweld

Jong inwonertjies neem ook aan die optog teen bendes deel. Foto: SAPD

Die plaaslike GPF-raad, polisie, metropolisie, nooddienste en ander organisasies ruk vandag op in die bendegeteisterde noordelike woonbuurte van Port Elizabeth om inwoners aan te spoor om standpunt in te neem teen misdadigers en bendelede in hul midde.

Kol. Priscilla Naidu, polisiewoordvoerder, sê die optog beweeg in ʼn konvooi en gaan aandoen by probleemplekke waar hulle pamflette sal uitdeel en met die gemeenskap oor misdaadprobleme sal gesels.

Sy sê al die sprekers met wie ʼn nasionale TV-nuusspan vanoggend onderhoude gevoer het, was dit eens dat die Baai se noordelike woongebiede net van bendes ontslae kan raak deur die gemeenskap se samewerking.

“Daar moet ʼn kollektiewe spanpoging wees waarin alle belanghebbendes saamwerk om die oortreders aan die kaak te stel, dié wat onskuldige mense doodmaak,” het genl.maj. Thembisile Patekile, bevelvoerder van die Mount Road-polisiegroepering, gesê. “Dis hoogtyd dat ons ons gemeenskappe terugneem, en ons kan, solank ons saamstaan.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

leser ·

wat help die optogte, bende lede sluit by julle aan en weet in elk geval van alles wat aangaan
kan julle die bende lede uitken,? wys hulle aan die polisie en moenie vergeet van bewyse teen hulle nie

Skroef ·

Wanneer kindjie by die huis aankom en sê hy en sy maats het n “gêng” gestig, dan begin mamma beanies en die gêng kkeure brei. Smoor die euwel in die kiem, kleintyd al. Hou optogte teen die kindertoelaag. Dít is die grootste euwel van ons tyd.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.