Optog kan Pta-middestad môre tot stilstand bring

Argieffoto

Argieffoto

Die Tshwane-metropolisie het motoriste Woensdagmiddag gewaarsku oor ʼn moontlike optog Donderdag in die middestad wat verkeer erg kan ontwrig.

Sr.supt. Isaac Mahamba, woordvoerder van die metropolisie, het gesê nagenoeg 3 000 studente gaan moontlik betoog as deel van die #FeesMustFall-veldtog.

“Die optog sal na verwagting van 08:00 tot 13:00 duur. Die studente gaan vermoedelik op Kerkplein bymekaarkom waarna hulle na die Uniegebou gaan opruk,” het Mahamba gesê.

Hy het gewaarsku dat indien die optog wel gaan plaasvind, dit ʼn groot invloed op verskeie strate in die middestad gaan hê.

“Motoriste en lede van die publiek wat môre na of deur die middestad moet reis, word aangeraai om ekstra voorsorgmaatreëls te neem,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Annemarie

Wat van ons hou ook ñ optog?? Dan noem ons dit “Non-studying students must fall”???

let wel

Die studente sal bly grense probeer verskuif met hul optogte en elke hekkie wat meegee onder hul, is n oorwinning vir hulle. Behandel die anargiste en geweldenaars soos volwassenes wat hul wel is, en arresteer en gooi hul in tronkselle indien dit net wil lyk hul wil n klip optel. Die Wet op Gevaarlike Wapens moet streng toegepas word.

Johann

Studente? Feesmustfall? Dis niks anders as n kaping van n potensieël grondige debat oor studie kostes deur anargiste en terroriste. Kyk mooi..more brand en breek die swetters weer waar hulle kan en steel winkels leeg…maar met n President wat so waaragtag dit kwytraak dat dit als deel is van n gesonde demokrasie????????? Seker so gesond soos sy steel van waar en wat hy kan…want dis sy right..

Jean

Aggenee is die ontwrigting by die universiteite nou nie erg genoeg nie, kry hulle nou nie genoeg aandag nie? Het hulle nog nie genoeg vernietiging gesaai en skade aangerig nie? So moeg vir protesoptogte en betogers in hierdie land wat ANDER se regte van hulle ontneem.

Daphné

Al so gatvol vir SA en hul optogte