Optog teen sigaretverbod uitgestel

sigarette

(Foto: Klimkin/Pixabay.com)

Die landswye optogte wat Dinsdag sou plaasvind uit protes teen die tabakverbod, is vir eers tot 2 Junie uitgestel. Dit sal na verwagting volgende week Dinsdag omstreeks 12:00 in elke provinsie van die land plaasvind.

Die optogte is om die Suid-Afrikaanse regering bewus te maak van die negatiewe gevolge wat die verbod op Suid-Afrikaners het.

Maroela Media het vroeër berig Duncan Napier, die organiseerders van dié optogte, het verlede Dinsdag met die idee van die protesoptog vorendag gekom nadat gerugte die ronde begin doen het dat sigarette tydens vlak 3 van afsondering steeds verbode sal wees.

Napier sê hy het intussen verskeie politieke partye gekontak om hulle steun vir die optogte te werf.

“Om genoeg steun te werf, neem tyd en daarom het ons besluit om eers die optogte uit te stel,” sê Napier.

Napier sê meer inligting oor die optogte in die verskillende provinsies kan op hul Facebook-blad, Protest March Against The Tabacco Ban, gekry word.

Napier het vroeër gesê die verbod op sigarette hou meer negatiewe gevolge in deurdat dit rokers se emosionele en finansiële welstand beïnvloed. Hy sê hy weet van talle mense wat swaar trek sonder sigarette ten tyde van afsondering.

Napier sê die land ly boonop groot finansiële verliese met dié verbod omdat miljoene rande se belastinggeld verlore gaan omdat tabak nie meer verkoop kan word nie.

Hy sê ook die regering dryf goeie burgers van die land om die wet te oortree deur onwettig sigarette te bekom.

“Die ergste van als is dat die regering geen logiese rede wil gee waarom sigarette nie verkoop mag word nie,” sê Napier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Francois

Van uitstel kom afstel

Lorna

Stem saam dis n ketting reaksie OP anty zol elkeen kry sy cut hieruit en hul dink ons fools val daarvoor

Pieter

Grap van die jaar die staat se prok sal gaan verduidelik in die hof. Hoop dit is n prok wat mediese agter grond het. Sy is die beet en knoffel dokter sy moet vir ons die bewyse kom wys. Sy het gese rook versprei die virus kom wys dit. As hulle tien is wat kos uit een bord eet dan is dit reg. Dalk moet sy vir almal messe en vurke gee en op hou k…k praat. Sy en haar seun maak nou geld en die ANC is deel daar van

Boortor

Aag…daar sal geen optogte wees nie! Ons is te bang vir die kopdoek vrou. Mevrou die president. Sy het gepraat!

Jaco

as dit meestal wit mense is in die optogte, gaan dit NET lei tot beskuldigings soos: “Dis net ryk wit mense vol rassisme en apartheid en wit monopoliekapitaal wat oor nonsens betoog”.