OPVOLG: Hond oorleef panga-aanval

Spider. Foto: Via Johannesburg Specialist Veterinary-sentrum

Spider. Foto: Via Johannesburg Specialist Veterinary-sentrum

Die hond, wat Dinsdag tydens ʼn inbraak by ʼn huis in Johannesburg met ʼn skerp voorwerp, moontlik ʼn panga, in die bors gesteek is, se lewe kon gered word.

Chitra Bodasing Harduth, woordvoerder van ER24, het Woensdag gesê die hond, Spider, moes Dinsdagmiddag ʼn operasie ondergaan wat twee ure geduur het.

“Volgens ʼn veearts wat hom behandel het, is Spider se steekwond toegedien met ʼn voorwerp so groot soos ʼn panga,” het Bodasing Harduth gesê.

“Die lem het die hond se long en lewer beskadig en sy diafragma binnegedring, maar die hart skrams gemis.” Spider het baie bloed in die aanval verloor en moes twee eenhede bloed ontvang om hom te stabiliseer.

“Vandag [Woensdag] is hy weer op die been en loop in die tuin rond waar hy behandel word. Hy het steeds twee dreineringspype in sy bors. Die veeartse is tevrede met sy vordering en sal hom oor die volgende paar dae fyn dophou.”

Maroela Media het vroeër berig paramedici het Spider Dinsdag in ʼn ambulans na ʼn veearts geneem, nadat hy vermoedelik deur ʼn inbreker by ʼn huis in Allen’s Nek in Roodepoort aangeval is.

Hy is aanvanklik in die Allan’s Nek-dierekliniek behandel, waarna hy na die Johannesburg Specialist Veterinary-sentrum in Randparkrif oorgeplaas is sodat hy deur die aand waargeneem kon word. Hy sterk by die sentrum aan en sy eienaars besoek hom gereeld.

Die Honeydew-polisie ondersoek ʼn saak van huisbraak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Uvonka

Jipppee!!! Ag ek wil net die “Spinnekopie” vertroetel. So bly hy het oorleef en sterk goed aan.

Charmaine

Soentjie vir jou en n spoedige herstel vir jou

Raymond Bastone

Baie mooi hoop spider word mooi gesond. Wat ń jammerte dat die diere al moet boed sterkte

Cryosphear

Doodstraf is te goed vir sulke skurke

Savethetigerplz

Sterkte Spider ek is bly jy is okei my honnekind ?❤