Organisasie ‘geskok’ dat Ramaphosa appelleer

Voormalige pres. Jacob Zuma (Foto: ANA)

Die staatsprokureur het Vrydag kennis gegee dat pres. Cyril Ramaphosa sal appelleer teen ʼn volbank beslissing van die Pretoriase hooggeregshof dat voormalige president Jacob Zuma onwettig, irrasioneel en ongrondwetlik opgetree het toe hy deelgeneem het aan die afskaffing van die tribunaal van die Suider-Afrikaanse Ontwikkelingsgemeenskap (SAOG).

Dié besluit is deur AfriForum as ʼn “skokkende wending” bestempel.

Maroela Media het vroeër berig regterpresident Dunstan Mlambo het op 1 Maart vanjaar die eenparige beslissing van ʼn volbank hooggeregshofregters in die hof gelewer. Dit kom nadat die Prokureursorde van Suid-Afrika in April 2015 ʼn aansoek gebring het om die optrede van Zuma, asook dié van die minister van justisie, Michael Masutha, en die minister van internasionale betrekkinge en samewerking, Maite Nkoana-Mashabane, ongrondwetlik te verklaar met betrekking tot die SAOG 2014-protokol.

AfriForum het vier Zimbabwiese boere en twee landboumaatskappye suksesvol gehelp om tot hierdie saak toe te tree. Die boere het hul eiendomme as deel van Zimbabwe se grondhervormingsbeleid verloor. Hulle het die SAOG-tribunaal in 2008 suksesvol genader om hul eiendomsreg te beskerm, maar die tribunaal is eers opgeskort en toe daar gelaat om uiteindelik heeltemal tot niet te gaan.

Die hof het bevind dat Zuma se deelname aan die proses om die SAOG-tribunaal te ontbind, onwettig, irrasioneel en dus ongrondwetlik was. Mlambo het gesê as dit die bedoeling van die Zuma-regering was om Pretoria van die SAOG-verdrag en protokol te onttrek, moes toestemming eers by die parlement verkry geword het.

“President Ramaphosa se besluit om teen die beslissing te appelleer, kom as ’n skok omdat die algemene verwagting was dat die Ramaphosa-administrasie ’n groter premie op die oppergesag van die reg sou plaas as wat sy voorganger gedoen het,” het Willie Spies, AfriForum-woordvoerder en -regsverteenwoordiger, Vrydag gesê.

Spies het gesê die hoofregter sal binnekort direktiewe oor die aansoek om verlof tot appèl uitreik, asook die boere se aansoek om bekragtiging van die hofaansoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
GES

En daar is mense CR met hulle lewens vertrou … Hoe gouer tot die besef gekom word dat hy ʼn versteekte agenda het, hoe beter.

willie

CR se wittebrood is verby, sy ware kleure kom nou uit! Wil nie weet wat lê nog voor nie!

Casper Labuschagne

Dit behoort eerder te verwagte te wees en nie ‘n skok nie. Uit ons oogpunt geld hoër beginsels van die reg. Die regering sal alles appelleer wat hulle hoegenaamd kan, want die meerderheidsparty se beskouing is dat die wit minderheid eenvoudig hul vyande is.

Piet

Soos ons almal weet regeer zuma…… Ramaposha en Malema die kontienent Suid Afrika hier gaan nog groot dinge gebeur speeltyd is verby vir die suid afrikaners nuwe geld eenheid… Grense wat oop gegooi word vir die hele Afrika

White Rhino

Nou daar het jy dit nou.
Die sjef van die paddapot. Net so korrup!!!
Geweet hy is nie te vertou nie!