Oscar Pistorius se regspan sal Vrydag appèl aanteken teen die hof se besluit dat die staat mag appelleer teen sy skuldigbevinding.
Regter Thokozile Masipa het die staat se aansoek, om appèl aan te teken teen sy skuldigbevinding op strafbare manslag goedgekeur, maar die aansoek om teen sy vonnis van vyf jaar te appelleer, van die hand gewys. Die staat wil hê Pistorius moet skuldig bevind word op die ernstiger aanklag van moord.
Pistorius is in September skuldig bevind aan strafbare manslag nadat hy Reeva Steenkamp op 14 Februarie 2013 deur ʼn geslote toiletdeur by sy huis in Pretoria doodgeskiet het. Hy was glo onder die indruk dat sy ʼn inbreker kon wees. Hy is tot vyf jaar tronkstraf gevonnis.
Lees alle vorige berigte oor Oscar Pistorius op Maroela Media.
…soos die spronge van ‘n kat op ‘n warm plaat…