Oscar Pistorius Vrydag in die hof. Foto: Herman Verwey/Media24/Pool
“Dankie aan my geliefdes en diegene wat daar was vir my, wat my opgetel het en deur alles gehelp het,” het Pistorius omstreeks 16:20 getwiet.
Thank you to my loved ones and those that have been there for me, who have picked me up and helped me through everything.
— Oscar Pistorius (@OscarPistorius) August 8, 2014
Adv. Gerrie Nel, staatsaanklaer, en adv. Barry Roux, vir Pistorius, het Donderdag en Vrydag hul slotbetoë in die hooggeregshof in Pretoria gelewer.
Die saak is tot 11 September uitgestel wanneer regter Thokozile Masipa na verwagting uitspraak sal lewer.
Pistorius staan tereg op ʼn aanklag van moord nadat hy Steenkamp op 14 Februarie 2013 by sy huis in Pretoria-Oos doodgeskiet het. Hy voer aan hy het haar vir ʼn inbreker aangesien. Hy staan ook tereg op aanklagte wat verband hou met die oortreding van die Vuurwapenwet.
Klik hier om die hooftrekke van die hofverrigtinge gratis op Maroela Media te volg.
